اقش پرەزيدەنتٸ تۋرا 40 مينۋت سٶيلەدٸ. سەنەسٸز بە, قاعازعا قاراعان جوق. بەرٸلگەن ۋاقىت 15 مينۋت ەدٸ. بٸراق, ٷلگەرمەگەن. وبامانىڭ سٶزٸ ەسەر ەتكەنٸ سونداي, زالداعى جۇرت ونىڭ سٶزٸن توعىز مەرتە بٶلٸپ, قول شاپالاقتاعان.
ديكتاتورلار تۋرالى
ححٸ عاسىر. ديكتاتورلار تاعىنان تايۋدا. ولار باسقارعان ەلدەر داعدارىسقا تاپ بولىپ, تەرروريزمنٸڭ وشاعىنا تٷستٸ. قازٸرگٸ زاماندا ديكتاتۋرالار تۇراقسىز, بٷگٸن بٸر ديكتاتور تاققا وتىرسا, ەندەشە ەرتەڭگٸ كٷنٸ اتالعان ەلدە رەۆوليۋتسييا بولادى دەپ بٸلٸڭٸز. ەشقانداي قۋلىق-سۇمدىق جوق. بارلىعى تەحنولوگييانىڭ, ەلەۋمەتتٸك جەلٸنٸڭ ارقاسى. قازٸر بٸر ەلدٸڭ جەرٸن باسىپ الۋ – مىقتىلىق ەمەس, ادامداردىڭ تابىسى, بٸلٸمٸ, ەلدٸڭ ەكونوميكاسى, يننوۆاتسيياسى, ۇمتىلىسى جوعارى بولسا سول ەل مىقتى.
سيرييا تۋرالى...
سيرييا ديكتاتورى تۋعان حالقىن اياعان جوق. بۇل تراگەدييانى اينالىپ ٶتە المايمىز. سيريياداعى جاعدايدى ٶزگەرتۋدە ەسكەري كٷش از. امەريكا اتالعان مەسەلەنٸ شەشۋدە بارلىعىمەن بٸرٸگۋگە ەزٸر. ٸشٸندە رەسەي دە, يران دا بار. بەرٸ قالاي باستالدى, بٸلەسٸزدەر مە? اساد بەيبٸت شەرۋگە شىققانداردى شەتٸنەن باۋىزداي باستادى. اسادتىڭ بيلٸگٸنە سيرييالىقتاردىڭ كٶڭٸلٸ تولمايدى. ەندەشە اسادتى تاعىنان تايدىرىپ, ورنىنا جاڭا ٷكٸمەت تاعايىنداۋ كەرەك.
...جەنە ونىڭ سالدارى جايىندا
«يسلام مەملەكەتٸ» يراك پەن سيريياداعى حاوستان پايدا بولدى. ولار يسلامنىڭ اتىنا كٸر كەلتٸرۋدە. يسلام مەن تەررور ٷيلەسپەيتٸن ۇعىمدار.
ۋكراينا جەنە سانكتسييا تۋرالى
رەسەي قىرىمدى باسىپ الدى. يە, بٸز رەسەي مەن ۋكراينانىڭ باۋىرلاس ەكەنٸن بٸلەمٸز. بٸراق, بٸر ەلدٸڭ ەگەمەندٸگٸ مەن اۋماقتىق تۇتاستىعىنا قاتەر تٶنگەندە قاراپ تۇرا المايمىز. قازٸرگٸ ۋكراينا حالقى ەۋروپاعا قوسىلۋعا مٷددەلٸ, رەسەيگە ەمەس.
رۋبل قۇلدىرادى, ەكونوميكا قۇلادى. اقىل-ەسٸ دۇرىس ادامدار رەسەيدەن كەتٸپ جاتىر. بۇل مەسەلەنٸ ديپلوماتييالىق جولمەن شەشۋگە بولار ەدٸ. بٸز رەسەيدٸ وقشاۋلاعىمىز جوق, بٸزگە, بٸزبەن بٸرگە بولاتىن جەنە حالىقارالىق جٷيەنٸ قالپىندا ۇستاۋعا كٶمەكتەسەتٸن مىقتى رەسەي كەرەك.
يران تۋرالى
تاريحتان ساباق الۋ كەرەك. ٷنەمٸ «امەريكاعا ٶلٸم!» دەپ ۇرانداتقاننان ەكونوميكالىق جاعداي جاقسارمايدى.
اقش تۋرالى
وپپوزيتسييا بيلٸككە تالاسۋعا, سايلاۋعا تٷسۋگە مٷمكٸندٸك العاندا مەملەكەت جاڭا يدەيالارمەن تولىعادى. تەۋەلسٸز باق قوعامعا تەۋەلسٸز اقپار تاراتۋعا مٷمكٸندٸك العاندا كوررۋپتسييا جويىلادى. ازاماتتىق قوعام قالىپتاسقاندا ادامدار ٷكٸمەتتٸڭ ٶزٸ ەڭسەرە المايتىن مەسەلەلەردٸ شەشەدٸ. ادامدار ٶزٸ ٶمٸر سٷرەتٸن ەلدە ارمانىن اقيقاتقا اينالدىرا الارىنا سەنگەندە عانا مەملەكەت تە ٶز ەلۋەتٸن تولىقتاي جٷزەگە اسىرادى.
امەريكانىڭ كٷشٸ وسىندا. بۇل دەموكراتييا. امەريكالىق ۇلت, يمميگرانتار ۇلتى. كٷللٸ ەلەمنٸڭ مەدەنيەتٸ بٸزدە, ەلەمنٸڭ تٷرلٸ ۇلت ٶكٸلدەرٸن اقش-تان كەزدەستٸرەسٸز. بۇل ەلدە سٸزدٸڭ كٸم ەكەنٸڭٸز, قايدان كەلگەنٸڭٸز, تٷرٸڭٸز, تٷسٸڭٸز ماڭىزدى ەمەس. بٸزدٸڭ كٷشٸمٸز وسىندا.
تاعى دا ديكتاتورلار جەنە دەموكراتييا تۋرالى
بەيبٸت شەرۋدٸ باسىپ-جانىشتايتىن بيلٸك بۇلايشا كٷشٸن ەمەس, كەرٸسٸنشە ەلسٸزدٸگٸ مەن قورقاقتىعىن كٶرسەتەدٸ. تاريح كۋە: ٶز حالقىنان قورقاتىن مەملەكەتتەر اقىر اياعى قۇلايدى.
جورج ۋاشينگتون, نەلسون ماندەلا دەموكراتييالىق ينستيتۋتتار قالىپتاستىرۋ قاجەتتٸگٸن, جالعىز ادامنىڭ ٶمٸر باقي بيلٸك قۇرماۋى كەرەكتٸگٸن ايتىپ كەتكەن. مەڭگٸ تاقتا وتىرۋ ٷشٸن كونستيتۋتسييانى ٶزگەرتكەن كٶسەمدەر تابىستى مەملەكەت قالىپتاستىردىم دەسە, قاتەلەسەدٸ. ەشكٸم دە مەڭگٸ ٶمٸر سٷرمەيدٸ. اجالسىز ادام جوق. ولار بيلٸككە بيلٸك ەتۋ ٷشٸن تالاسادى. ەستە ادامداردىڭ ٶمٸرٸن جاقسارتۋ ٷشٸن ەمەس...
پۋتين ول نە دەدٸ?
پۋتين وبامانىڭ «ساباعىنا» قاتىسقان جوق. كەزەك پۋتينگە كەلگەندە ۋكراينا پرەزيدەنتٸ پەتر پوروشەنكو زالدان شىعىپ كەتتٸ. پۋتين سٶيلەي باستاعاندا زالداعى بٸرنەشە ۋكرايندىق ديپلومات ەلٸنٸڭ تۋىن كٶتەرٸپ تۇردى. رەسەي پاتشاسى وبامادان قاراعاندا از سٶيلەدٸ. 22 مينۋت. قاعازعا قاراپ سٶيلەدٸ.
اقش جەنە باتىس جايلى
«قىرعي قاباق» سوعىس اياقتالعاسىن ەلەمدە ٶزٸن جاھاننىڭ جٷرەگٸ سانايتىن ورتالىق قالىپتاستى. پيراميدانىڭ بيٸگٸنە شىققاندار ەلەم بٸزدٸڭ ايتقانىمىزبەن جٷرەدٸ دەپ ويلادى. تيٸسٸنشە, ولار «بۇۇ-مەن ەسەپتەسٸپ قاجەتٸ جوق» دەدٸ. كەرٸسٸنشە, ۇيىم كەدەرگٸ بولادى. سوندىقتان بۇٷ ۇيىم رەتٸندە ەسكٸردٸ دەگەن ەڭگٸمەلەر ايتىلدى. بۇۇ-نىڭ قۇقىعىنا قول سۇعۋعا بولمايدى. سۇقتىق ەكەن, جاھاندى جۋان ەلدەر بيلەيتٸن بولادى.
سيرييا تۋرالى
يسلام مەملەكەتٸنە قارسى شىعىپ وتىرعان جالعىز اساد ەسكەرٸ, ەرٸ كەتسە كٷرت جاۋىنگەرلەرٸ. سيرييا ٷكٸمەتٸنە كەرٸسٸنشە, كٶمەك كەرەك. بٸز ايماقتى بٷگە شٸگەسٸنە دەيٸن بٸلەمٸز. ەدٸل تٷردە ارالاسايىق دەسەك, رەسەي ازۋىن كٶرسەتٸپ جاتىر دەيدٸ. بٸراق, بٷگٸنگٸ ەلەمدٸك احۋالعا كٶز جۇما قاراي المايمىز. انتيتەررورلىق كواليتسييا قۇراتىن كەز كەلدٸ.
يسلام مەملەكەتٸنٸڭ قاتارىندا مىڭداعان ادام بار. اراسىندا يراك جاۋىنگەرلەرٸ دە جٷر. 2003 جىلى يراكقا باسىپ كٸرگەننەن كەيٸن ولار دالادا قالدى. ليۆييالىقتار دا كٶپ. بۇل مەملەكەت تە قيراتىلعان. قازٸر راديكالداردىڭ قاتارىن ٶزدەرٸن «سيرييا وپپوزيتسيياسىمىز» دەيتٸن جاۋىنگەرلەر تولىقتىرۋدا. ولاردى قولداپ وتىرعان باتىس, باسقا ەشكٸم ەمەس.
ناتو تۋرالى
ناتو-نىڭ شەكاراسىن كٷن سايىن كەڭٸتۋدە. سۇراق: بۇل نە ٷشٸن قاجەت? ۆارشاۆا كەلٸسٸمٸ ۇيىمى ەلدەقاشان ىدىراعان? كسرو ەلدەقاشان قۇلاعان, تاراپ بٸتكەن...سوعان قاراماي ناتو, كٷن ٶتكەن سايىن كەڭٸپ كەلەدٸ, تيٸسٸنشە ەسكەري ينفراقۇرىلىمى دا كٷشەيۋ ٷستٸندە.
ۋكراينا جەنە پوستكەڭەستٸك ەلدەر تۋرالى
پوستكەڭەستٸك ەلدەردٸ تاڭداۋدىڭ الدىنا قويدى: باتىسپەن بٸرٸككٸلەرٸڭ كەلە مە, ەلدە شىعىسپەن بٸرگە بولاسىڭدار ما? كٷندەردٸڭ كٷنٸ ارانداتۋعا قۇرىلعان مۇنداي لوگيكانىڭ اياعى گەوساياسي داعدارىسقا ۇلاسارى انىق ەدٸ. ۋكراينادا دەل سونداي جاعداي بولدى. رەسمي بيلٸككە كٶڭٸلٸ تولماعان حالىق ارانداتىپ, ارتىن تٶڭكەرٸسكە ۇلاستىردى. وسىنىڭ نەتيجەسٸندە ەلدە ازاماتتىق سوعىس بۇرق ەتتٸ.
دەموكراتييا تۋرالى
ەركٸم ەرتٷرلٸ ويلايدى. بۇعان قۇرمەتپەن قاراۋ كەرەك. ەشكٸم دە بٸرەۋ ٶزٸنشە دۇرىس دەپ تاپقان دامۋدىڭ جولىمەن (ٷلگٸسٸمەن) جٷرۋگە نەمەسە سوعان يكەمدەلۋگە تيٸستٸ ەمەس.
ەلەمدٸك باسپاسٶز نە دەدٸ?
دايىنداعان, دۋمان بىقاي
