تالدىقورعاندا فەلدشەر ەكٸ جاسار قىزدى اجالدان اراشالاپ قالدى, دەپ حابارلايدى dalanews.kz.
قوعام بەلسەندٸسٸ الەكساندر تسويدىڭ مەلٸمەتٸنشە, وقيعا قالا كٶشەلەرٸنٸڭ بٸرٸندە بولعان. ويناپ جٷرگەن ەكٸ جاسار بٷلدٸرشٸن ابايسىزدا ارىققا قۇلاپ كەتٸپ, سۋعا تۇنشىعىپ قالعان. كۋەگەرلەر سەبيدٸ سۋدان شىعارىپ العانىمەن, سول سەتتە ونىڭ جٷرەگٸ سوقپاي, ەس-تٷسسٸز جاتقان.
شاقىرتۋ بويىنشا جەتكەن جەدەل جەردەم قىزمەتكەرٸ المابەك باتقالباەۆ بٸردەن العاشقى كٶمەك كٶرسەتۋگە كٸرٸسكەن. ول بٷلدٸرشٸننٸڭ جٷرەگٸنە ماسساج جاساپ, تىنىسىن قالپىنا كەلتٸرۋگە تىرىسقان. الايدا ۇزاق ۋاقىت بويى ەش بەلگٸ بولماعان.
“المابەكتٸڭ ٶزٸ ايتقانداي, بالا جول بويى دەم الماعان. قانشا كٷش سالسا دا, جٷرەگٸن سوقتىرا الماعان. بٸراق ول سوندا دا بەرٸلمەي, ماسساج جاساۋدى توقتاتپاعان”, – دەپ جازدى قوعام بەلسەندٸسٸ.
الايدا اۋرۋحانا الدىنا جەتكەن سەتتە كٷتپەگەن جاعداي بولعان. كٶلٸك توقتاي بەرگەندە ەكٸ جاسار قىز كەنەتتەن جىلاپ جٸبەرگەن. سول سەتتە ونى امان الىپ قالۋعا بار كٷشٸن سالعان المابەك باتقالباەۆ تا كٶزٸنە جاس العان.
