مەجٸلٸس دەپۋتاتى ماقسات تولىقباي قازاقستانداعى اۆتومەكتەپتەر جٷيەسٸندەگٸ «زاڭداستىرىلعان جەمقورلىق» تۋرالى مەسەلە كٶتەرٸپ, ٸشكٸ ٸستەر مينيسترلٸگٸنەن تٷسٸنٸكتەمە تالاپ ەتتٸ, دەپ حابارلايدى dalanews.kz.
دەپۋتاتتىڭ ايتۋىنشا, جٷرگٸزۋشٸ كۋەلٸگٸن العىسى كەلەتٸن ازاماتتار اۆتومەكتەپكە تٸركەلگەن كەزدە نەگٸزگٸ وقۋ اقىسىنان بٶلەك, ەش جەردە رەسمي كٶرسەتٸلمەگەن قوسىمشا تٶلەم جاساۋعا مەجبٷر.
«زاڭداستىرىلعان جەمقورلىقتى توقتاتۋ كەرەك دەپ ٶتكەندە كوميتەتتە ايتقانمىن. سودان بەرٸ بٸراز ۋاقىت ٶتتٸ. دەگەنمەن بٸزگە تٷسٸپ جاتقان شاعىمدار كٶبەيمەسە ازايعان جوق», - دەدٸ تولىقباي مەجٸلٸس وتىرىسىندا.
ونىڭ سٶزٸنشە, ەر ازامات جٷرگٸزۋشٸ كۋەلٸگٸن الۋ ٷشٸن ەكٸ جارىم اي اۆتومەكتەپتە وقۋى تيٸس. بٸراق وقۋ ورنىنا كٸرەبەرٸستە بٶلەك QR-كود تۇرادى جەنە ازاماتتار سوعان 8,5 مىڭ تەڭگە تٶلەۋگە مٸندەتتەلەدٸ.
«بٸراق اۆتومەكتەپكە كٸرەبەرٸستە جەكە qr-كود تۇرادى. سوعان 8,5 مىڭ تەڭگە تٶلەۋگە مٸندەتتٸسٸڭ. ونىڭ اۆتومەكتەپكە دە قاتىسى جوق», - دەدٸ دەپۋتات.
تولىقبايدىڭ مەلٸمەتٸنشە, قازاقستاندا جىل سايىن شامامەن 670 مىڭ ادام جٷرگٸزۋشٸ كۋەلٸگٸنە تاپسىرادى. ەگەر ەرقايسىسى 8,5 مىڭ تەڭگەدەن تٶلەسە, جىلدىق كٷمەندٸ اقشا اينالىمى 5,6 ملرد تەڭگەگە جەتەدٸ.
«بۇل اقشا ٷكٸمەتكە, ٸٸم جٷيەسٸنە دە تٷسپەيدٸ. اشىق ەسەپتە جوق. الدىن الا مەلٸمەت بويىنشا, قاراجات شەتەلدە تۇراتىن ا. ەسٸمدٸ جەكەلەگەن تۇلعانىڭ قالتاسىنا تٷسٸپ جاتىر», - دەپ مەلٸمدەدٸ مەجٸلٸسمەن.
دەپۋتات مۇنداي جٷيەنٸ بٸر ادامنىڭ ٶز بەتٸنشە ۇيىمداستىرۋى مٷمكٸن ەمەس ەكەنٸن ايتىپ, ارتىندا ىقپالدى تۇلعالار تۇرۋى ىقتيمال ەكەنٸن مەڭزەدٸ.
«ونى جوعارىدان قورعاپ وتىرعان بٸرەۋ بار. سۇراق: زاڭسىز قارجى اينالىمىن قاشان توقتاتاسىزدار?» - دەپ سۇرادى تولىقباي.
ساۋالعا ٸشكٸ ٸستەر مينيسترٸنٸڭ ورىنباسارى سانجار ەدٸلوۆ جاۋاپ بەردٸ. ونىڭ ايتۋىنشا, قازٸر بۇل مەسەلەگە بايلانىستى قىزمەتتٸك تەكسەرٸس باستالعان.
«قازٸر ەكٸمشٸلٸك, پوليتسييا تاراپىنان قىزمەتتٸك تەكسەرٸس باستالدى. بٸزدٸڭ ۋەكٸلەتتٸ ورگاندا ەشقانداي وداقتار كەرەك ەمەس. سىبايلاسقان جەمقورلىققا جول بەرمەۋ كەرەك. وسى پٸكٸرمەن بٸز تولىق كەلٸسەمٸز. تيٸستٸ شارا قابىلدايمىز», - دەدٸ ۆيتسە-مينيستر.
الايدا مەجٸلٸس كۋلۋارىندا جىل سايىن ميللياردتاعان تەڭگە جينايتىن «ا.» ەسٸمدٸ ازاماتتىڭ كٸم ەكەنٸ جەنە ونىڭ ىقتيمال بايلانىستارى تۋرالى ناقتى اقپارات ايتىلعان جوق.
