مەجٸلٸس دەپۋتاتى باقىتجان بازاربەك جالعان مەملەكەتتٸك نٶمٸر پايدالانعانداردى قىلمىستىق جاۋاپكەرشٸلٸككە تارتۋدى ۇسىندى, دەپ حابارلايدى dalanews.kz.
دەپۋتاتتىڭ ايتۋىنشا, جالعان نٶمٸر پايدالانۋ ەلدە جاپپاي قۇبىلىسقا اينالعان جەنە ونىڭ سالدارى اۋىر بولىپ وتىر.
«وسىنىڭ كەسٸرٸنەن ٶتە كٶپ ادام زارداپ شەگەدٸ. تەرگەۋ بارىسىندا جول اپاتىن جاساعان ادامنىڭ جالعان مەملەكەتتٸك نٶمٸر پايدالانعانى انىقتالاتىن جاعدايلار ٶتە كٶپ», - دەدٸ بازاربەك مەجٸلٸس وتىرىسىندا.
ول مۇنداي فاكتٸلەر تەك الماتىدا ەمەس, ەلدٸڭ باسقا ٶڭٸرلەرٸندە دە تٸركەلٸپ جاتقانىن ايتتى.
«ٶتە ۇزاق ۋاقىت بويى كٶپتەگەن ادامدار, سونىڭ ٸشٸندە اۋقاتتى ازاماتتار مەن ولاردىڭ بالالارى جالعان نٶمٸر پايدالانىپ جٷر. سونىڭ سالدارىنان قاراپايىم ازاماتتار زارداپ شەگەدٸ, ال بيۋدجەت قوماقتى قارجىدان قاعىلادى», - دەدٸ دەپۋتات.
مەجٸلٸسمەن قازٸرگٸ زاڭناما بۇل مەسەلەنٸ تولىق قامتىمايتىنىن اتاپ ٶتتٸ.
«قىلمىستىق كودەكستٸڭ جول قوزعالىسى ەرەجەلەرٸن بۇزۋعا قاتىستى 345–351-باپتارى بۇل قاتىناستاردى رەتتەمەيدٸ. ال 386-باپ تەك مەملەكەتتٸك نٶمٸرلەردٸ قولدان جاساۋ جەنە ساتقانى ٷشٸن جاۋاپكەرشٸلٸكتٸ قاراستىرادى», - دەدٸ ول.
دەپۋتاتتىڭ سٶزٸنشە, قازٸر جالعان نٶمٸر پايدالانۋ ەكٸمشٸلٸك قۇقىقبۇزۋشىلىق رەتٸندە قارالادى.
«ەكٸمشٸلٸك قۇقىقبۇزۋشىلىق تۋرالى كودەكستٸڭ 590-بابى بويىنشا ادامعا 15 اەك كٶلەمٸندە ايىپپۇل سالىنادى. بۇل نە دەگەن سٶز? ايىپپۇلىن تٶلەيدٸ دە, كەتە بەرەدٸ. ال مۇنداي جاعدايلاردان ادامدار قازا تاۋىپ جاتىر», - دەدٸ بازاربەك.
قايتالانعان جاعدايدا 20 اەك ايىپپۇل نەمەسە بٸر جىلعا جٷرگٸزۋشٸ كۋەلٸگٸنەن ايىرۋ جازاسى قاراستىرىلعان.
«مٷمكٸن بۇل قۇقىقبۇزۋشىلىقتى ەكٸمشٸلٸك ەمەس, قىلمىستىق جاۋاپكەرشٸلٸك ساناتىنا اۋىستىراتىن ۋاقىت كەلگەن شىعار?» - دەدٸ دەپۋتات.
ٸشكٸ ٸستەر مينيسترٸنٸڭ ورىنباسارى سانجار ەدٸلوۆ دەپۋتات كٶتەرگەن مەسەلەنٸڭ ٶزەكتٸ ەكەنٸن مويىندادى.
«شىنىندا دا, بۇل مەسەلە ٶزەكتٸ. كٶپ جاعدايدا جالعان مەملەكەتتٸك نٶمٸرلەردٸ كٷدٸكتٸلەر مەن قىلمىستىق ەلەمەنتتەر مٷلٸكتٸك قۇقىقبۇزۋشىلىقتار جاساۋ كەزٸندە پايدالانادى», - دەدٸ ۆيتسە-مينيستر.
ونىڭ ايتۋىنشا, مۇنداي فاكتٸلەر جول-كٶلٸك وقيعالارىندا دا كەزدەسەدٸ.
«جول اپاتتارى كەزٸندە جالعان نٶمٸر پايدالانۋ فاكتٸلەرٸ بار. قازٸر نٶمٸردٸ قولدان جاساعانى ٷشٸن قىلمىستىق جاۋاپكەرشٸلٸك كٶزدەلگەن, الايدا ونى پايدالانۋ مەسەلەسٸ قوسىمشا قاراۋدى تالاپ ەتەدٸ», - دەدٸ ەدٸلوۆ.
ۆيتسە-مينيستر دەپۋتاتتىڭ ۇسىنىسى قارالاتىنىن ايتتى.
«سٸزدٸڭ ۇسىنىسىڭىز جۇمىسقا قابىلداندى. قىلمىستىق زاڭنامانى قايتا قاراۋ اياسىندا بٸز قازٸردٸڭ ٶزٸندە زاڭگەر-عالىمدارمەن جەنە مەملەكەتتٸك ورگاندارمەن جۇمىستى باستادىق. تيٸستٸ ٶزگەرٸستەر بٸرلەسٸپ پىسىقتالادى», - دەدٸ سانجار ەدٸلوۆ.
