كاسپيي قۇبىر كونسورتسيۋمىنىڭ (كقك) اكتسيونەرلەرٸ "كروپوتكينسكايا" مۇناي ايداۋ ستانساسىنا (ماس) جٶندەۋ جۇمىستارىن جٷرگٸزۋدٸ قولداۋعا دايىن. بۇل تۋرالى 2025 جىلدىڭ 25-26 اقپانىندا ابۋ-دابيدە ٶتكەن جينىندا بەلگٸلٸ بولدى, دەپ حابارلايدى Dalanews.kz.
"كقك باس ديرەكتورى نيكولاي گوربان بايانداما جاساپ, ماس-تىڭ زاقىمدانۋى, جابدىقتىڭ اعىمداعى جاي-كٷيٸ, مەردٸگەرلەردٸ جۇمىلدىرۋ دەڭگەيٸنە قاتىستى مەلٸمەتتەردٸ ۇسىندى. كونسورتسيۋم اكتسيونەرلەرٸ جٶندەۋ جۇمىستارىن جٷرگٸزۋگە بايلانىستى كەز كەلگەن مەسەلەلەر بويىنشا شارالاردى قولداۋعا دايىن ەكەندٸكتەرٸن بٸلدٸردٸ. جٶندەۋ جۇمىستارى شامامەن ەكٸ ايعا سوزىلادى دەپ كٷتٸلەدٸ", دەلٸنگەن حابارلامادا.
كقك تەڭٸز تەرمينالىندا 2024 جىلى 63 ملن توننا مۇناي تيەلگەن بولاتىن. 2024 جىلى اتالعان جٷيە بويىنشا مۇناي تاسىمالىنان تٷسكەن تٷسٸم 2,3 ميلليارد دوللاردى قۇرايدى. 1,3 ميلليارد دوللار ديۆيدەند رەتٸندە تٶلەندٸ. 23 اقپانداعى جاعداي بويىنشا كقك تەڭٸز تەرمينالىنان CPC Blend سورتىنداعى 9,8 ملن توننا مۇناي 89 تانكەرگە تيەلدٸ.
2025 جىلعى 17 اقپاندا كاسپيي قۇبىر كونسورتسيۋمىنىڭ (كقك) ماڭىزدى مۇناي نىسانى – "كروپوتكينسكايا" مۇناي ايداۋ ستانتسيياسى درونداردىڭ شابۋىلىنا ۇشىرادى.
رەسمي مەلٸمەتكە سەيكەس, ستانتسييا پەرسونالى اراسىندا زارداپ شەككەندەر جوق. قازاقستان مۇنايىنا شەكتەۋ قويىلعان جوق. دەگەنمەن, "تەڭٸز – نوۆوروسسييسك" قۇبىر جٷيەسٸ ارقىلى مۇناي تاسىمالداۋ قۋاتى ۋاقىتشا تٶمەندەتٸلدٸ. "ترانسنەفت" قازاقستاننىڭ كاسپيي قۇبىر كونسورتسيۋمى (كقك) ارقىلى مۇناي ايداۋ كٶلەمٸ شامامەن 30 پايىزعا قىسقارۋى مٷمكٸن ەكەنٸن بولجادى. 19 اقپاندا سىرتقى ٸستەر مينيسترٸنٸڭ بٸرٸنشٸ ورىنباسارى اقان راحمەتۋللين استانانىڭ كيەۆپەن كاسپيي قۇبىر كونسورتسيۋمىنىڭ مۇناي ايداۋ ستانتسيياسىنا جاسالعان دروندار شابۋىلىنا قاتىستى مەسەلەنٸ تالقىلايتىندارىن مەلٸمدەدٸ. رەسەي فەدەراتسيياسىنىڭ تەرگەۋ كوميتەتٸ كاسپيي قۇبىر كونسورتسيۋمى - ازاماتتىق نىسانىنا جاسالعان شابۋىل فاكتٸسٸ بويىنشا قىلمىستىق ٸس قوزعاعانى دا بەلگٸلٸ بولدى. بۇل مەسەلە پارلامەنتتە دە كٶتەرٸلدٸ.
