دوسايەۆ الماتىدا جەر سىلكىنىسىن شۇعىل حابارلايتىن ءموبيلدى جۇيە ەنگىزىلەتىنىن ايتتى

جاربول كەنت ۇلى 05 ناۋ. 2024 16:23 2028

الماتى بيلىگى مامىردىڭ اياعىنا دەيىن توتەنشە جاعدايلاردان حاباردار ەتەتىن جۇيە ەنگىزەدى، – دەپ حابارلايدى Dalanews.kz.

الماتى قالاسىنىڭ اكىمدىگى مامىردىڭ اياعىنا دەيىن توتەنشە جاعدايلار جونىندە شۇعىل اقپارات تاراتاتىن ءموبيلدى جۇيە ەنگىزۋدى جوسپارلاپ وتىر.

بۇل تۋرالى قالا اكىمى ەربولات دوسايەۆ سەيسەنبى كۇنى جەر سىلكىنىسى تاقىرىبىن تالقىلاۋعا ارنالعان ۇكىمەت وتىرىسىندا مالىمدەدى.

ونىڭ ايتۋىنشا، بۇل جوباعا 475 ميلليون تەڭگە بولىنگەن. Cell Broadcast تەحنولوگياسى نەگىزىندە جاسالاتىن جۇيە "Mass Alert" قاعيداسىمەن جۇمىس ىستەيدى.

ءداستۇرلى SMS جولداۋ جۇيەسىنە قاراعاندا، Cell ۆroadcast تەحنولوگياسى جەلىگە قوسىمشا سالماق تۇسىرمەيدى، ابونەنتتەردىڭ ءبارى ءبىر ساتتە توتەنشە جاعداي تۋرالى مالىمەتتەن حاباردار بولادى.

ەستەرىڭىزگە سالا كەتەيىك، 4 ناۋرىزدا ساعات 11:22-دە الماتىدا بەس باللدىق جەر سىلكىنىسى بولدى. جەر استى ءدۇمپۋىنىڭ وشاعى الماتىدان 31 شاقىرىم جەردە، قازاقستان مەن قىرعىزستان شەكاراسىندا ورنالاسقان.

 


ۇسىنىلعان
سوڭعى جاڭالىقتار
تەلە2 - باستىق1
22 ءساۋ. 2024 18:05
x