Almaty bıligi mamyrdyń aıaǵyna deıin tótenshe jaǵdaılardan habardar etetin júıe engizedi, – dep habarlaıdy Dalanews.kz.

Almaty qalasynyń ákimdigi mamyrdyń aıaǵyna deıin tótenshe jaǵdaılar jóninde shuǵyl aqparat taratatyn mobıldi júıe engizýdi josparlap otyr.

Bul týraly qala ákimi Erbolat Dosaev seısenbi kúni jer silkinisi taqyrybyn talqylaýǵa arnalǵan Úkimet otyrysynda málimdedi.

Onyń aıtýynsha, bul jobaǵa 475 mıllıon teńge bólingen. Cell Broadcast tehnologıasy negizinde jasalatyn júıe "Mass Alert" qaǵıdasymen jumys isteıdi.

Dástúrli SMS joldaý júıesine qaraǵanda, Cell Vroadcast tehnologıasy jelige qosymsha salmaq túsirmeıdi, abonentterdiń bári bir sátte tótenshe jaǵdaı týraly málimetten habardar bolady.

Esterińizge sala keteıik, 4 naýryzda saǵat 11:22-de Almatyda bes baldyq jer silkinisi boldy. Jer asty dúmpýiniń oshaǵy Almatydan 31 shaqyrym jerde, Qazaqstan men Qyrǵyzstan shekarasynda ornalasqan.