نەكە احاج-دا تٸركەلمەي قيىلعان «نيكاح» ٷشٸن دٸن قىزمەتكەرلەرٸن 5–8 جىلعا دەيٸن باس بوستاندىعىنان ايىرۋ كەرەك, مۇنداي ۇسىنىستى مەجٸلٸس دەپۋتاتى مۇرات ەبەنوۆ ايتتى,, دەپ حابارلايدى Dalanews.kz.
ونىڭ سٶزٸنشە, رەسمي نەكەسٸز دٸني رەسٸمدەر ەيەلدەردٸڭ كونستيتۋتسييالىق قۇقىقتارىن ٶرەسكەل بۇزىپ وتىر.
«مەن بۇل مەسەلەنٸ بۇرىن دا كٶتەرگەنمٸن. ەيەلدەردٸڭ زاڭدى نەكەگە تۇرۋ قۇقىعىن تاپتاپ وتىرعان دٸني قىزمەتكەرلەر جاۋاپكەرشٸلٸكتەن تىس قالماۋى كەرەك. كونستيتۋتسييا قابىلدانعاننان كەيٸن مەن ولاردىڭ قىلمىستىق جاۋاپكەرشٸلٸگٸن كٷشەيتۋدٸ ۇسىنامىن», – دەدٸ ەبەنوۆ مەجٸلٸس كۋلۋارىندا.
دەپۋتاتتىڭ ايتۋىنشا, نيكاح اتىن جامىلعان مۇنداي قاتىناستاردىڭ سالدارى اۋىر.
«قىزدار ٶزٸن زاڭدى نەكەدە جٷرگەندەي سەزٸنەدٸ, بٸراق شىن مەنٸندە قۇقىقسىز قالادى. بالالار دٷنيەگە كەلەدٸ, ولار دا ەلەۋمەتتٸك جەنە قۇقىقتىق تۇرعىدا قورعالماعان», – دەدٸ ول.
ەبەنوۆ احاج-دا تٸركەلمەگەن نەكەنٸ «ورتاشا اۋىر قىلمىس» دەپ باعالاپ, وعان سەيكەس جازا دا قاتال بولۋى تيٸس ەكەنٸن ايتتى.
«ەڭ كەمٸ 5–8 جىل. بۇل ەيەل مەن بالانىڭ تاعدىرىنا جاۋاپسىز قاراعانى ٷشٸن», – دەدٸ دەپۋتات.
