داۋلى وقيعادان كەيىن قىزمەتىنەن كەتكەن سەرىك ساپييەۆتىڭ ورنىنا كىم كەلگەنى بەلگىلى بولدى، دەپ حابارلايدى Dalanews.kz.
تۋريزم جانە سپورت مينيسترلىگى قاراعاندى وبلىسى دەنە شىنىقتىرۋ جانە سپورت باسقارماسى باسشىلىعىنا ۇمىتكەردىڭ كانديداتۋراسىنا كەلىسىم بەردى.
كوميسسيا مۇشەلەرى الماتى وبلىسىنىڭ وليمپيادالىق رەزەرۆ دايارلاۋ ورتالىعىنىڭ باسشىسى نۇركەن نۇراتوۆتىڭ كانديداتۋراسىن ماقۇلدادى. ونىڭ سپورت سالاسىنداعى كاسىبي تاجىريبەسى، باسقارۋشىلىق قابىلەتى جانە ءوڭىر سپورتىن دامىتۋعا قاتىستى ۇستانىمى كوميسسيا تاراپىنان جان-جاقتى زەردەلەنىپ، وڭ شەشىم قابىلداندى.
ايتا كەتەيىك، 3 اقپاندا قاراعاندى وبلىسىنىڭ دەنە شىنىقتىرۋ جانە سپورت باسقارماسىندا سەرىك ساپييەۆ پەن ونىڭ ورىنباسارى داۋرەن ەسىمحانوۆ ءوز ەركىمەن اتقارىپ وتىرعان لاۋازىمدارىنان بوساتىلدى.
ەسكە سالايىق، بۇعان دەيىن سەرىك ساپييەۆ سوققىعا جىعىلىپ، ورىنباسارى تەرگەۋگە الىنعانىن حابارلاعان ەدىك.
