Daýly oqıǵadan keıin qyzmetinen ketken Serik Sápıevtiń ornyna kim kelgeni belgili boldy, dep habarlaıdy Dalanews.kz.
Týrızm jáne sport mınıstrligi Qaraǵandy oblysy Dene shynyqtyrý jáne sport basqarmasy basshylyǵyna úmitkerdiń kandıdatýrasyna kelisim berdi.
Komısıa músheleri Almaty oblysynyń olımpıadalyq rezerv daıarlaý ortalyǵynyń basshysy Nurken Nuratovtyń kandıdatýrasyn maquldady. Onyń sport salasyndaǵy kásibı tájirıbesi, basqarýshylyq qabileti jáne óńir sportyn damytýǵa qatysty ustanymy komısıa tarapynan jan-jaqty zerdelenip, oń sheshim qabyldandy.
Aıta keteıik, 3 aqpanda Qaraǵandy oblysynyń Dene shynyqtyrý jáne sport basqarmasynda Serik Sápıev pen onyń orynbasary Dáýren Esimhanov óz erkimen atqaryp otyrǵan laýazymdarynan bosatyldy.
Eske salaıyq, buǵan deıin Serik Sápıev soqqyǵa jyǵylyp, orynbasary tergeýge alynǵanyn habarlaǵan edik.
