جوبانىڭ ماقساتى – بيزنەستى قورعاۋ، قولايلى ينۆەستيسيالىق جاعداي جاساۋ جانە كاسىپكەرلەر ءۇشىن سىبايلاس جەمقورلىق دەرەكتەرى بويىنشا قىسىمداردى تومەندەتۋ.
اتالعان جوبا اياسىندا، سىبايلاس جەمقورلىققا قارسى سۇيەمەلدەۋ تۋرالى مەموراندۋمعا اگەنتتىكتىڭ تۇركىستان وبلىسى بويىنشا دەپارتامەنتىنىڭ باسشىسى ع.تۇرسىنبايەۆ جانە «Kazakhtan CHN-KZ Eneregy Group» سەرىكتەستىكتىڭ قۇرىلتايشىسى – ديرەكتورى چۋ دونگ سالتاناتتى تۇردە قول قويدى.
ءىس-شاراعا تۇركىستان وبلىسى بويىنشا «اتامەكەن» ۇلتتىق كاسىپكەرلەر پالاتاسى ديرەكتورىنىڭ ورىنباسارى ج.ماحمۋت جانە «Kazakh invest» فيليالىنىڭ باسشىسى د.مامىروۆ قاتىستى.
دەپارتامەنت باسشىسى ع.تۇرسىنبايەۆ ءوز سوزىندە وبلىستىڭ جوباعا قاتىسۋعا قىزىعۋشىلىق تانىتقان ينۆەستورلارعا قازاقستان اۋماعىندا اپتاسىنا 7 كۇن، تاۋلىگىنە 24 ساعات سىبايلاس جەمقورلىق دەرەكتەرىنەن 100% قورعاۋعا كەپىلدىك بەرىلەتىندىگىن جەتكىزدى.
بۇل سەرىكتەستىك ەلىمىزگە جالپى قۇنى 470 ملن دوللاردى قۇرايتىن ينۆەستيسيا قۇيۋدا. كومپانيا كۇن جانە جەل ەلەكتروستانساسىنىڭ قۇرىلىسىن سالۋمەن جانە ەنەرگەتيكالىق جابدىقتاردى وڭدەۋمەن اينالىسادى.
وسىلايشا، تۇركىستان وبلىسىندا بۇگىنگى كۇنگە دەيىن جالپى سوماسى 215 ملرد. تەڭگەدەن اساتىن 4 ينۆەستورمەن جەمقورلىقسىز سۇيەمەلدەۋ بويىنشا كەلىسىم جاسالدى.
ارىس قالاسى اكىمىنىڭ باسپا ءسوز قىزمەتى
