Qazaqstan Respýblıkasynyń Memlekettik qyzmet isteri jáne sybaılas jemqorolyqqa qarsy agenttigi men onyń aýmaqtyq departamentteri tarapynan el ekonomıkasyna ınvestısıalardyń kelýin jeńildetý, búrokratıa tártipterin jáne sybaılas jemqorlyq derekterin boldyrmaý maqsatynda «Protecting Business and Investments» jobasy júzege asyrylýda.

Jobanyń maqsaty – bıznesti qorǵaý, qolaıly ınvestısıalyq jaǵdaı jasaý jáne kásipkerler úshin sybaılas jemqorlyq derekteri boıynsha qysymdardy tómendetý.

Atalǵan joba aıasynda, sybaılas jemqorlyqqa qarsy súıemeldeý týraly Memorandýmǵa agenttiktiń Túrkistan oblysy boıynsha departamentiniń basshysy Ǵ.Tursynbaev jáne «Kazakhtan CHN-KZ Eneregy Group» seriktestiktiń quryltaıshysy –  dırektory Chý Dong saltanatty túrde qol qoıdy.

İs-sharaǵa Túrkistan oblysy boıynsha «Atameken» Ulttyq kásipkerler palatasy dırektorynyń orynbasary J.Mahmýt jáne «Kazakh invest» fılıalynyń basshysy D.Mamyrov qatysty.

Departament basshysy Ǵ.Tursynbaev óz sózinde oblystyń Jobaǵa qatysýǵa qyzyǵýshylyq tanytqan ınvestorlarǵa Qazaqstan aýmaǵynda aptasyna 7 kún, táýligine 24 saǵat sybaılas jemqorlyq derekterinen 100% qorǵaýǵa kepildik beriletindigin jetkizdi.

Bul seriktestik elimizge jalpy quny 470 mln dollardy quraıtyn ınvestısıa quıýda. Kompanıa kún jáne jel elektrostansasynyń qurylysyn salýmen jáne energetıkalyq jabdyqtardy óńdeýmen aınalysady.

Osylaısha, Túrkistan oblysynda búgingi kúnge deıin jalpy somasy 215 mlrd. teńgeden asatyn 4 ınvestormen jemqorlyqsyz súıemeldeý boıynsha kelisim jasaldy.

 

Arys qalasy ákiminiń baspasóz qyzmeti