13 قاراشادا مەجٸلٸس دەپۋتاتتارى "قازاقستان رەسپۋبليكاسى مەن ازييا دامۋ بانكٸ (ادب) اراسىنداعى زاەم جايلى كەلٸسٸمدٸ راتيفيكاتسييالاۋ تۋرالى", سونداي-اق قازاقستان مەن ازييا ينفراقۇرىلىمدىق ينۆەستيتسييالار بانكٸ (اييب) اراسىنداعى تاعى دا وسىنداي كەلٸسٸمگە قاتىستى ەكٸ زاڭ جوباسىن قاراستىردى, دەپ حابارلايدى Dalanews.kz.
ەكٸ زاڭ جوباسى دا 2024 جىلعى 23 قازانداعى ٷكٸمەت قاۋلىسىمەن مەجٸلٸس قاراۋىنا ۇسىنىلعان. ادب-مەن اراداعى زاەم جٶنٸندەگٸ كەلٸسٸمگە استانادا 2024 جىلعى 3 تامىزدا, ال اييب-مەن 2024 جىلعى 21 تامىزدا قول قويىلعان.
جوبانى مەجٸلٸستە تانىستىرعان دەپۋتات ساۆەلەۆانىڭ مەلٸمەتٸنشە, ادب قازاقستانعا 52,3 ملرد يەن, ال اييب 52,7 ملرد يەن (جيىنتىعىندا 105 مرد يەن نەمەسە $677,5 ملن) بٶلۋدٸ كٶزدەپ وتىر. ازييالىق قارجى ۇيىمدارىنىڭ قوس قارىزدى دا 2027 جىلعى 1 ماۋسىمعا دەيٸنگٸ جەڭٸلدٸكتٸ كەزەڭدٸ قوسا العاندا, قازاقستانعا 15 جىل مەرزٸمگە بەرٸلمەك.
ساۆەلەۆا اتاپ ٶتكەندەي, ەكٸ قارىزدان تٷسەتٸن قاراجات "جوسپارلى كەزەڭدەگٸ رەسپۋبليكالىق بيۋدجەت تاپشىلىعىنىڭ بەكٸتٸلگەن مٶلشەرٸ شەڭبەرٸندە ەل ەكونوميكاسىنىڭ تۇراقتىلىعىن قولداۋ ٷشٸن تارتىلىپ وتىر".
قارجى مينيسرلٸگٸنٸڭ مەلٸمەتٸنشە, 2024 جىلعى 1 قازانداعى جاعداي بويىنشا مەملەكەتتٸك قارىز 30 ترلن 504,8 ملرد تەڭگە نەمەسە 120 ترلن تەڭگە بولاتىن جٸٶ كٶلەمٸنٸڭ 22,6% قۇرايدى. قازاقستان ٷكٸمەتٸنٸڭ قارىزى 28,8 ترلن تەڭگە: ونىڭ ٸشٸندە ٸشكٸ بورىشى – 21 567,6 ملرد تەڭگە (75%), سىرتقى بورىش 7 217,0 ملرد تەڭگە (25%) بولادى.1 قازانداعى جاعداي بويىنشا ٷكٸمەتتٸڭ ادب مەن اييب الدىنداعى جالپى قارىزى 970 ملرد تەڭگە نەمەسە بارلىق سىرتقى قارىزداردىڭ 13,4% كٶلەمٸن قامتيدى.
