13 qarashada Májilis depýtattary "Qazaqstan Respýblikasy men Aziia damý banki (ADB) arasyndaǵy zaem jaily kelisimdi ratifikatsiialaý týraly", sondai-aq Qazaqstan men Aziia infraqurylymdyq investitsiialar banki (AIIB) arasyndaǵy taǵy da osyndai kelisimge qatysty eki zań jobasyn qarastyrdy, dep habarlaidy Dalanews.kz.
Eki zań jobasy da 2024 jylǵy 23 qazandaǵy Úkimet qaýlysymen Májilis qaraýyna usynylǵan. ADB-men aradaǵy zaem jónindegi kelisimge Astanada 2024 jylǵy 3 tamyzda, al AIIB-men 2024 jylǵy 21 tamyzda qol qoiylǵan.
Jobany Májiliste tanystyrǵan depýtat Savelevanyń málimetinshe, ADB Qazaqstanǵa 52,3 mlrd ien, al AIIB 52,7 mlrd ien (jiyntyǵynda 105 mrd ien nemese $677,5 mln) bólýdi kózdep otyr. Aziialyq qarjy uiymdarynyń qos qaryzdy da 2027 jylǵy 1 maýsymǵa deiingi jeńildikti kezeńdi qosa alǵanda, Qazaqstanǵa 15 jyl merzimge berilmek.
Saveleva atap ótkendei, eki qaryzdan túsetin qarajat "josparly kezeńdegi respýblikalyq biýdjet tapshylyǵynyń bekitilgen mólsheri sheńberinde el ekonomikasynyń turaqtylyǵyn qoldaý úshin tartylyp otyr".
Qarjy minisrliginiń málimetinshe, 2024 jylǵy 1 qazandaǵy jaǵdai boiynsha memlekettik qaryz 30 trln 504,8 mlrd teńge nemese 120 trln teńge bolatyn JIÓ kóleminiń 22,6% quraidy. Qazaqstan Úkimetiniń qaryzy 28,8 trln teńge: onyń ishinde ishki boryshy – 21 567,6 mlrd teńge (75%), syrtqy borysh 7 217,0 mlrd teńge (25%) bolady.1 qazandaǵy jaǵdai boiynsha Úkimettiń ADB men AIIB aldyndaǵy jalpy qaryzy 970 mlrd teńge nemese barlyq syrtqy qaryzdardyń 13,4% kólemin qamtidy.
