بۇل تۋرالى ول الەۋمەتتىك جەلىدەگى پاراقشاسىندا جازدى.
"بۇقارالىق اقپارات قۇرالدارىنان سالتانات نۇكەنوۆانىڭ ءىسى بويىنشا كۇدىكتىگە تاعى ءبىر ايىپ تاعىلعانى بەلگىلى. وسى ورايدا ءتۇسىندىرىپ وتكىم كەلەدى، ويتكەنى جەكەدە كوپ سۇراق كەلىپ جاتىر. ءقازىر ءىس ماتەريالدارىمەن تانىسىپ جاتىرمىز. كۇدىكتى ق.بيشىمبايەۆتىڭ ارەكەتى مىنا باپتار بويىنشا سارالانعان:
1) ق ر قىلمىستىق كودەكسىنىڭ 99-بابى 5-تارماعى 2-بولىگى (اسا قاتىگەزدىكپەن جاسالعان كىسى ءولتىرۋ). بۇل باپ بويىنشا 15 جىلدان باستاپ ءومىر بويىنا باس بوستاندىعىنان ايىرۋ جازاسى كوزدەلەدى.
2) ق ر قىلمىستىق كودەكسىنىڭ 110-بابىنىڭ 1-تارماعى، 2-بولىگى (قيناۋ) بويىنشا ءتورت جىلدان جەتى جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ جازاسى كوزدەلەدى.
ق ر قك 110-بابى، ياعني قيناۋ- جۇيەلى تۇردە ۇرىپ-سوعۋ نەمەسە وزگە دە زورلىق-زومبىلىق ارەكەتتەرىمەن فيزيكالىق نەمەسە پسيحيكالىق ازاپ شەكتىرۋ. سالتانات تۇرمىستا بولعان كەزىندە باستان وتكەرگەن جايتتارى، تۋىستارى مەن جاقىندارىنىڭ ايتقاندارى، ساراپتاما قورىتىندىلارى تاعى ءبىر باپتى قوسۋعا نەگىز بولدى"، - دەپ جازدى ول.
سونىمەن قاتار، بيشىمبايەۆتىڭ تۋىسىنىڭ ءىسى تۋرالى دا ايتىلدى.
"كۇدىكتىنىڭ ىنىسىنە قاتىستى. بۇرىن جازعانىمداي، اسا اۋىر قىلمىس تۋرالى حابارلاماۋ دەرەگى بويىنشا ءىس كىسى ءولتىرۋ تۋرالى نەگىزگى ىسپەن بىرگە تەرگەلدى، ءقازىر ول ەكى باپ بويىنشا كۇدىكتى: 1) ق ر قىلمىستىق كودەكسىنىڭ 432-بابى (قىلمىستى جاسىرۋ). 2) ق ر قىلمىستىق كودەكسىنىڭ 434-بابى (قىلمىس تۋرالى حابارلاماۋ). ەكى باپ بويىنشا دا جازا مەرزىمى - 6 جىلعا دەيىن باس بوستاندىعىنان ايىرۋ"، - دەدى ادۆوكات.
سۋرەت: ©️ Tengrinews.kz / تۇرار قازانعاپوۆ
https://dalanews.kz/sadak/97705-zhelaiaq-marat-zhylanbaevqa-shyqqan-sot-u
