Bul týraly ol áleýmettik jelidegi paraqshasynda jazdy.
"Buqaralyq aqparat quraldarynan Saltanat Núkenovanyń isi boiynsha kúdiktige taǵy bir aiyp taǵylǵany belgili. Osy oraida túsindirip ótkim keledi, óitkeni jekede kóp suraq kelip jatyr. Qazir is materialdarymen tanysyp jatyrmyz. Kúdikti Q.Bishimbaevtyń áreketi myna baptar boiynsha saralanǵan:
1) QR Qylmystyq kodeksiniń 99-baby 5-tarmaǵy 2-bóligi (asa qatygezdikpen jasalǵan kisi óltirý). Bul bap boiynsha 15 jyldan bastap ómir boiyna bas bostandyǵynan aiyrý jazasy kózdeledi.
2) QR Qylmystyq kodeksiniń 110-babynyń 1-tarmaǵy, 2-bóligi (qinaý) boiynsha tórt jyldan jeti jylǵa deiingi merzimge bas bostandyǵyn shekteý ne sol merzimge bas bostandyǵynan aiyrý jazasy kózdeledi.
QR QK 110-baby, iaǵni qinaý- júieli túrde uryp-soǵý nemese ózge de zorlyq-zombylyq áreketterimen fizikalyq nemese psihikalyq azap shektirý. Saltanat turmysta bolǵan kezinde bastan ótkergen jaittary, týystary men jaqyndarynyń aitqandary, saraptama qorytyndylary taǵy bir bapty qosýǵa negiz boldy", - dep jazdy ol.
Sonymen qatar, Bishimbaevtyń týysynyń isi týraly da aityldy.
"Kúdiktiniń inisine qatysty. Buryn jazǵanymdai, asa aýyr qylmys týraly habarlamaý deregi boiynsha is kisi óltirý týraly negizgi ispen birge tergeldi, qazir ol eki bap boiynsha kúdikti: 1) QR Qylmystyq kodeksiniń 432-baby (qylmysty jasyrý). 2) QR Qylmystyq kodeksiniń 434-baby (Qylmys týraly habarlamaý). Eki bap boiynsha da jaza merzimi - 6 jylǵa deiin bas bostandyǵynan aiyrý", - dedi advokat.
Sýret: ©️ Tengrinews.kz / Turar Qazanǵapov
https://dalanews.kz/sadak/97705-zhelaiaq-marat-zhylanbaevqa-shyqqan-sot-u
