پونوماريەۆ الماتىداعى جەر سىلكىنىسى قازاقستاندا ازاماتتاردى حاباردار ەتۋ جۇيەسىندە كەمشىلىك بارىن كورسەتكەنىن مالىمدەدى. ەسەسىنە Google Android ارقىلى الماتىلىقتارعا ءقاۋىپتى حابارلاپ ۇلگەرگەن.
"الماتىدا كۇشتى ءدۇمپۋ بولعانىن بىلەسىزدەر، ول قىرعىزستاندا، وزبەكستاندا جانە قازاقستاندا دا سەزىلدى. ...ءبىز الەمدىك قىزمەتتەردەن اقپارات الدىق، الايدا ءبىزدىڭ تجم مەن ۇلتتىق وپەراتورلاردان اقپارات الا المادىق. وسى تۇستا مىناداي اقىلعا قونىمدى سۇراق تۋىندايدى: توتەنشە جاعدايدا ءبىزدى كىم ويلاۋى كەرەك؟ بيلل گەيتس پە، يلون ماسك پا؟ ءبىزدىڭ ەسكەرتۋ جۇيەمىزگە نە بولعان، نەگە بايلانىس ارنالارى ىسكە قوسىلمادى؟" - دەگەن سۇراق قويدى پونوماريەۆ.
دەپۋتات ەكاتەرينا سمىشليايەۆانىڭ ايتۋىنشا، قازاقستاندا "جەدەل حابارلاۋ" تۇسىنىگىن ەنگىزۋ قاجەت.
"ءيا، شىنىندا دا، اقاۋ بولدى. بۇعان كىم كىنالى ەكەنى ءقازىر تەكسەرىلىپ جاتىر دەپ ويلايمىن. مەنىڭ ويىمشا، ءبىر جەردە اقپارات كوزى ونى ۋاقىتىندا جىبەرمەگەن، ءبىر جەردە ەسكەرتۋ جۇيەسى جۇمىس ىستەمەگەن شىعار. بۇگىندە قولدانىستاعى زاڭدا بايلانىس وپەراتورلارىنىڭ قىسقا حابارلامالار جىبەرۋ جونىندەگى مىندەتتەمەسى بار. ءبىراق قىسقا حابارلامالاردا ۋاقىت بويىنشا ەشقانداي شەكتەۋ جوق. ولار كۇنى بويى جىبەرىلۋى مۇمكىن. سوندىقتان جەدەل حابار الماسۋ ۇعىمىن قايتا قاراۋ جانە ەنگىزۋ قاجەت ەكەنىن كورىپ وتىرمىز. ياعني، توتەنشە جاعدايلار كەزىندە ولار قىسقا ءارى جەدەل بولۋى كەرەك جانە ءبىر ۋاقىتتا بارلىق قولدانۋشىعا جىبەرىلۋى قاجەت"، - دەدى سمىشليايەۆا.
Cۋرەت: Gonzalo Fuentes/File Photo، Reuters، stopfake.kz
كوللاج: Dalanews.kz