Ponomarev Almatydaǵy jer silkinisi Qazaqstanda azamattardy habardar etý júiesinde kemshilik baryn kórsetkenin málimdedi. Esesine Google Android arqyly almatylyqtarǵa qaýipti habarlap úlgergen.
"Almatyda kúshti dúmpý bolǵanyn bilesizder, ol Qyrǵyzstanda, Ózbekstanda jáne Qazaqstanda da sezildi. ...Biz álemdik qyzmetterden aqparat aldyq, alaida bizdiń TJM men ulttyq operatorlardan aqparat ala almadyq. Osy tusta mynadai aqylǵa qonymdy suraq týyndaidy: tótenshe jaǵdaida bizdi kim oilaýy kerek? Bill Geits pe, Ilon Mask pa? Bizdiń eskertý júiemizge ne bolǵan, nege bailanys arnalary iske qosylmady?" - degen suraq qoidy Ponomarev.
Depýtat Ekaterina Smyshliaevanyń aitýynsha, Qazaqstanda "jedel habarlaý" túsinigin engizý qajet.
"Iá, shynynda da, aqaý boldy. Buǵan kim kináli ekeni qazir tekserilip jatyr dep oilaimyn. Meniń oiymsha, bir jerde aqparat kózi ony ýaqytynda jibermegen, bir jerde eskertý júiesi jumys istemegen shyǵar. Búginde qoldanystaǵy zańda bailanys operatorlarynyń qysqa habarlamalar jiberý jónindegi mindettemesi bar. Biraq qysqa habarlamalarda ýaqyt boiynsha eshqandai shekteý joq. Olar kúni boiy jiberilýi múmkin. Sondyqtan jedel habar almasý uǵymyn qaita qaraý jáne engizý qajet ekenin kórip otyrmyz. Iaǵni, tótenshe jaǵdailar kezinde olar qysqa ári jedel bolýy kerek jáne bir ýaqytta barlyq qoldanýshyǵa jiberilýi qajet", - dedi Smyshliaeva.
Cýret: Gonzalo Fuentes/File Photo, Reuters, stopfake.kz
Kollaj: Dalanews.kz
