"مەنٸڭ ويىمشا, بالاباقشادا, باستاۋىش مەكتەپتە اعىلشىن تٸلٸن مٷلدە وقىتپاۋ كەرەك. لاتىن جازۋىنا نەگٸزدەلگەن قازاق سٶزدەرٸن ساۋاتتى جازىپ, وقىپ داعدىلانا قويماعان بالاعا اعىلشىن تٸلٸن ٷيرەتۋگە بولمايدى. تٸلدٸك سانادا اعىلشىن تٸلٸنٸڭ ەرٸپتەرٸ ساقتالىپ قالعان بالالار كەيٸن قازاق تٸلٸن ٷيرەنگەن كەزدە ول تاڭبانىڭ باسقاشا دىبىستالاتىنىن قابىلداي الماي, شاتاستىراتىن بولادى.
بالا باستاۋىش مەكتەپتە قازاق تٸلٸ بويىنشا ساۋاتتى جازىپ, ەبدەن داعدىلانعان سوڭ عانا شەت تٸلدەردٸ ٷيرەتۋگە بولادى. مەكتەپ تابالدىرىعىن اتتاعان بالا انا تٸلٸندە عانا سٶيلەۋٸ كەرەك. بالا باستاۋىشتا ورىس تٸلٸندە دە ەمەس, اعىلشىن تٸلٸندە دە ەمەس, تەك قانا انا تٸلٸندە وقۋى كەرەك.
ٷش تٸلدٸ بٸردەن وقىتقاندا بالانىڭ انا تٸلٸ بولمايدى.
انا تٸلٸ بولماعان ادامنان ەشقانداي اقىن دا, جازۋشى دا, سۋرەتشٸ دە شىقپايدى. عالىم شىعار, مامان شىعار, تٸپتٸ اتاقتى ادام دا شىعار. بٸراق وندا ەشقانداي مەدەني ازىق بولمايدى. اعىلشىن تٸلٸندە تاماشا جازسىن, ورىس تٸلٸندە ٶلەڭ شىعارسىن, بٸراق ول – انا تٸلٸ ەمەس. سوندىقتان ٷكٸمەت, باسشىلار, وقۋ-اعارتۋ سالاسىنداعىلار قازاق مەكتەبٸن قولعا الىپ, قامقورلىق كٶرسەتۋٸ كەرەك. قازاق مەكتەبٸن كٶبەيتۋ كەرەك. بالا انا تٸلٸن باستاۋىش مەكتەپتەن مەڭگەرٸپ, كەيٸن باسقا تٸلدٸ قوسۋ كەرەك.
اينالاسىن انا تٸلٸندە تانىپ, ەر زاتتىڭ قازاقشا اتاۋىن بٸلگەن سوڭ عانا ونىڭ ورىسشاسىن, اعىلشىنشاسىن ٷيرەنۋٸ وڭاي. قازاق حالقىنىڭ ساقتالۋى تٸلٸنٸڭ ساقتالۋىنا بايلانىستى. جاھاندانۋ زامانىندا انا تٸلٸمٸزدٸڭ بولاشاعىنا, تازالىعىنا ەرەكشە مەن بەرۋٸمٸز قاجەت".
دەرەككٶز: egemen.kz
