بۇگىندە قالانىڭ قورىنا 17،2 ميلليارد تەڭگە كولەمىندە ينۆەستيسيا تارتىلعان. بۇل تۋرالى قالا اكىمى اسەت ماسابايەۆ ايتىپ بەردى.
بيىل ماۋسىم ايىندا «ايسۋلۋ» تىگىن فابريكاسى ىسكە قوسىلدى. جاڭا 100 جۇمىس ورنى اشىلدى. ال، تامىز ايىندا "BARS TECHNOLOGIES" ج ش س گاز بلوكتارىن شىعاراتىن زاۋىتتى ىسكە قوسۋ جوسپارلاپ وتىر. 800 ميلليون تەڭگە ينۆەستيسيامەن، 80 جۇمىس ورنى اشىلماق. كۇزدە «الماز كەراميكس» ج ش س كەراميكالىق پليتالار ءوندىرۋ زاۋىتىن كەڭەيتۋ جوسپارلانىپ وتىر. سونىمەن قاتار قازان ايىندا اككۋمۋلياتورلار شىعاراتىن زاۋىتى ىسكە قوسىلماق.
2023 جىلى استىق قويماسىن، كەراميكالىق جانە قاپتاۋ كىرپىشتەرىن شىعاراتىن زاۋىت، اۆتوكلاۆتى گازوبلوكتاردى وندىرەتىن ونەركاسىپ اشۋ جوسپارلانعان.
