"بۇقتىرما گەس" اق "سامۇرىق-ەنەرگو" ۇلتتىق كومپانياسىنىڭ شەشىمىنە سايكەس Green Power PLC قاراماعىنا ءوتتى، دەپ حابارلايدى Dalanews.kz.
بۇل تۋرالى حابارلادىدا ىسكەرلىك اقپارات ورتالىعىنىڭ ءتىلشىسىنىڭ سۇراۋىنا جاۋاپ رەتىندە حابارلادى
"بۇل شەشىم بەك (بالامالى ەنەرگيا كوزدەرى) مەن گەس اكتيۆتەرىن "جاسىل" ەنەرگەتيكانى دامىتۋعا ماماندانعان قۇقىقتىق قۇرىلىمعا شوعىرلاندىرۋعا بايلانىستى قابىلداندى"، - دەپ ءتۇسىندىردى كۆازيمەملەكەتتىك كومپانيانىڭ باسپا ءسوز قىزمەتى Kapital.kz ساۋالىنا بەرگەن جاۋابىندا.
ايتا كەتسەك، Qazaq Green Power PLC اكسيالارىنىڭ 100%-ى "سامۇرىق-ەنەرگوعا" تيەسىلى.
"گەس-تى وتكىزىپ بەرۋ Qazaq Green Power PLC اكسيالارىن ءوزىنىڭ جالعىز اكسيونەرى - "سامۇرىق-ەنەرگو"اق-عا ورنالاستىرىپ، Qazaq Green Power PLC جارعىلىق كاپيتالىن ۇلعايتۋ ارقىلى جۇزەگە اسىرىلدى. Qazaq Green Power PLC-تىڭ ورنالاستىرىلعان اكسيالارىنا "بۇقتىرما گەس" اق-نىڭ داۋىس بەرەتىن جاي اكسيالارىنىڭ 96،3% بەرىلدى. مامىلەدەن كەيىن "سامۇرىق-ەنەرگو" ءوزىنىڭ 100% ەنشىلەس كومپانياسى Qazaq Green Power PLC ارقىلى "بۇقتىرما گەس" اق-نىڭ 96،3% اكسيالارىنا يە بولىپ قالا بەرەدى"، - دەپ تۇسىندىرەدى ۇلتتىق كومپانيا.
بۇقتىرما گەس-ى ەرتىس وزەنىندە، بۇقتىرما وزەنىنىڭ ساعاسىنان تومەن، شىعىس قازاقستان وبلىسىندا ورنالاسقان. گەس ەرتىس كاسكادىنا كىرەدى، ونىڭ جوعارعى ساتىسى بولىپ تابىلادى. گەس 1953 جىلى سالىندى، ال ونىڭ قوندىرعىلارى 1960-1966 جىلدارى قولدانىسقا ەنگىزىلدى.
بەيسەنبى، 2 قازاندا KASE-دە "سامۇرىق-ەنەرگو" كۆازيمەملەكەتتىك كومپانياسى "بۇقتىرما گەس" اق-نى بالانسىنان شىعارعانى تۋرالى اقپارات پايدا بولدى. بۇل Qazaq Green Power PLC قۇرامىنداعى جالعىز اكتيۆ ەمەس. 2025 جىلعى اقپاندا ونىڭ قۇرىلىمىنا وسكەمەن جانە ءشۇلبى گەس-تەرى دە وتكەن. بۇعان دەيىن بۇل ەكى گەس-كە دە "سامۇرىق-ەنەرگو" تىكەلەي يەلىك ەتكەن. جالپى، بولاشاقتا "سامۇرىق-ەنەرگونىڭ" Qazaq Green Power PLC-نى IPO-عا شىعارۋ جوسپارى بار.
