"Buqtyrma GES" AQ "Samuryq-Energo" ulttyq kompanıasynyń sheshimine sáıkes Green Power PLC qaramaǵyna ótti, dep habarlaıdy Dalanews.kz.
Bul týraly habarladyda iskerlik aqparat ortalyǵynyń tilshisiniń suraýyna jaýap retinde habarlady
"Bul sheshim BEK (balamaly energıa kózderi) men GES aktıvterin "jasyl" energetıkany damytýǵa mamandanǵan quqyqtyq qurylymǵa shoǵyrlandyrýǵa baılanysty qabyldandy", - dep túsindirdi kvazımemlekettik kompanıanyń baspasóz qyzmeti Kapital.kz saýalyna bergen jaýabynda.
Aıta ketsek, Qazaq Green Power PLC aksıalarynyń 100%-y "Samuryq-Energoǵa" tıesili.
"GES-ti ótkizip berý Qazaq Green Power PLC aksıalaryn óziniń jalǵyz aksıoneri - "Samuryq-Energo"AQ-ǵa ornalastyryp, Qazaq Green Power PLC jarǵylyq kapıtalyn ulǵaıtý arqyly júzege asyryldy. Qazaq Green Power PLC-tyń ornalastyrylǵan aksıalaryna "Buqtyrma GES" AQ-nyń daýys beretin jaı aksıalarynyń 96,3% berildi. Mámileden keıin "Samuryq-Energo" óziniń 100% enshiles kompanıasy Qazaq Green Power PLC arqyly "Buqtyrma GES" AQ-nyń 96,3% aksıalaryna ıe bolyp qala beredi", - dep túsindiredi ulttyq kompanıa.
Buqtyrma GES-i Ertis ózeninde, Buqtyrma ózeniniń saǵasynan tómen, Shyǵys Qazaqstan oblysynda ornalasqan. GES Ertis kaskadyna kiredi, onyń joǵarǵy satysy bolyp tabylady. GES 1953 jyly salyndy, al onyń qondyrǵylary 1960-1966 jyldary qoldanysqa engizildi.
Beısenbi, 2 qazanda KASE-de "Samuryq-Energo" kvazımemlekettik kompanıasy "Buqtyrma GES" AQ-ny balansynan shyǵarǵany týraly aqparat paıda boldy. Bul Qazaq Green Power PLC quramyndaǵy jalǵyz aktıv emes. 2025 jylǵy aqpanda onyń qurylymyna Óskemen jáne Shúlbi GES-teri de ótken. Buǵan deıin bul eki GES-ke de "Samuryq-Energo" tikeleı ıelik etken. Jalpy, bolashaqta "Samuryq-Energonyń" Qazaq Green Power PLC-ny IPO-ǵa shyǵarý jospary bar.
