BI Group كومپانياسىنىڭ باسشىسى ايدىن راحيمبايەۆ كومپانياعا قاتىستى سالىق تالاپتارىنىڭ ءمان-جايىن ءتۇسىندىرىپ، ماسەلەنىڭ نەگىزىنەن ارنايى سالىق رەجيمىمەن جۇمىس ىستەيتىن مەردىگەرلەرگە بايلانىستى ەكەنىن اتاپ ءوتتى، دەپ حابارلايدى Dalanews.kz.

“داۋلى ماسەلەلەر ءبىزدىڭ جەتكىزۋشىلەرىمىزدىڭ قىزمەتىمەن بايلانىستى، ءقازىر ءبىز مەملەكەتتىك ورگاندارمەن بىرلەسىپ، ولاردى شەشۋ جولىندا جۇمىس ىستەپ جاتىرمىز. ءبىز جىل سايىن سالىق تەكسەرۋلەرى دە قامتىلعان 20-25 تەكسەرۋدەن وتەمىز. سونىمەن قاتار “ۇلكەن تورتتىككە” كىرەتىن حالىقارالىق كومپانيالاردىڭ اۋديتىنەن ءوتىپ، Fitch رەيتينگىمىزدى جوعارى دەڭگەيدە ۇستاپ كەلەمىز”، – دەدى راحىمبايەۆ.

ونىڭ ايتۋىنشا، BI Group قازاقستانداعى ەڭ ءىرى سالىق تولەۋشى جەكە كومپانيالاردىڭ وندىعىنا كىرەدى.

“سوڭعى ءۇش جىلدا ءبىز شامامەن 155 ملرد تەڭگە سالىق تولەدىك، الداعى ءۇش جىلدا بۇل كورسەتكىش 250 ملرد تەڭگەگە دەيىن وسەدى"، – دەپ قوستى ول.

BI Group-تىڭ نەگىزىن قالاۋشى كومپانيانىڭ ۇزاقمەرزىمدى جوسپارمەن جۇمىس ىستەيتىنىن، 30 جىل ىشىندە سەنىم مەن ابىرويدى باستى قاعيدا ەتىپ ۇستانعانىن اتاپ ءوتتى.

بۇعان دەيىن قارجى مينيسترلىگى Bazis-A جانە BI Group قۇرىلىس كومپانيالارىنا سايكەسىنشە 4،6 ملرد جانە 11،9 ملرد تەڭگە كولەمىندە سالىق سالىناتىن تابىستى تومەندەتۋ فاكتىسى بويىنشا حابارلاما جولداعان بولاتىن.