BI Group kompaniiasynyń basshysy Aidyn Rahimbaev kompaniiaǵa qatysty salyq talaptarynyń mán-jaiyn túsindirip, máseleniń negizinen arnaiy salyq rejimimen jumys isteitin merdigerlerge bailanysty ekenin atap ótti, dep habarlaidy Dalanews.kz.
“Daýly máseleler bizdiń jetkizýshilerimizdiń qyzmetimen bailanysty, qazir biz memlekettik organdarmen birlesip, olardy sheshý jolynda jumys istep jatyrmyz. Biz jyl saiyn salyq tekserýleri de qamtylǵan 20-25 tekserýden ótemiz. Sonymen qatar “Úlken tórttikke” kiretin halyqaralyq kompaniialardyń aýditinen ótip, Fitch reitingimizdi joǵary deńgeide ustap kelemiz”, – dedi Rahymbaev.
Onyń aitýynsha, BI Group Qazaqstandaǵy eń iri salyq tóleýshi jeke kompaniialardyń ondyǵyna kiredi.
“Sońǵy úsh jylda biz shamamen 155 mlrd teńge salyq tóledik, aldaǵy úsh jylda bul kórsetkish 250 mlrd teńgege deiin ósedi", – dep qosty ol.
BI Group-tyń negizin qalaýshy kompaniianyń uzaqmerzimdi josparmen jumys isteitinin, 30 jyl ishinde senim men abyroidy basty qaǵida etip ustanǵanyn atap ótti.
Buǵan deiin Qarjy ministrligi Bazis-A jáne BI Group qurylys kompaniialaryna sáikesinshe 4,6 mlrd jáne 11,9 mlrd teńge kóleminde salyq salynatyn tabysty tómendetý faktisi boiynsha habarlama joldaǵan bolatyn.
