ەلوردادا بۋككروسسينگتىڭ جاڭا ورىندارى اشىلادى، دەپ حابارلايدى ەلوردا اكىمدىگىنىڭ رەسمي سايتى. ياعني بۇل – كىتاپتاردى الماستىراتىن ورىن.
ماسەلەن، ءسىز بۇرىن وقىعان كىتابىڭىزدى الىپ، اشىق بۋككروسسينگ-ايماعىنا اپاراسىز. ونداعى كىتاپ سورەسىنە وقىلعان كىتابىڭىزدى قويىپ، ءسىز وقىماعان كىتاپتاردى الۋىڭىزعا بولادى.
اقىسىز. بۋككروسسينگ-ايماقتارى ادامدار كوپ شوعىرلاناتىن ويىن-ساۋىق ورتالىقتارى، جوعارى وقۋ ورىندارى مەن قوعامدىق جەرلەردە ورناتىلادى.
كىتاپ الماستىراتىن ءار الاڭعا «رۋحاني جاڭعىرۋ» باعدارلاماسى اياسىندا وتاندىق جانە شەتەلدىك كلاسسيكتەردىڭ ەسىمى بەرىلەدى. 11 قىركۇيەك كۇنى ەلورداداعى قازاق بيزنەس جانە تەحنولوگيا ۋنيۆەرسيتەتىندە جوبانىڭ اشىلۋ سالتاناتى وتەدى. شاراعا بەلگىلى جازۋشىلار قاتىسىپ، جاستاردىڭ كىتاپقا دەگەن ىنتاسىن ارتتىرۋ ءۇشىن كەزدەسۋلەر وتكىزىلەدى.
ەلىمىزدەگى العاشقى بۋككروسسينگ-ايماعى تالدىقورعان قالاسىندا اشىلعان بولاتىن.
الدا رەسپۋبليكا بويىنشا 17 كىتاپ الماستىرۋ شاراسىن وتكىزۋ جوسپارلانىپ وتىر.
جوبانى نۇر-سۇلتان قالاسى اكىمدىگىنىڭ «استانا جاستارى» جاستار رەسۋرستىق ورتالىعى جانە Social Development Center قق ق ر اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ» كەاق-نىڭ گرانتتىق قارجىلاندىرۋى ارقاسىندا جۇزەگە اسىرماق.
