Elordada býkkrossingtiń jańa oryndary ashylady, dep habarlaidy elorda ákimdiginiń resmi saity. Iaǵni bul – kitaptardy almastyratyn oryn.
Máselen, siz buryn oqyǵan kitabyńyzdy alyp, ashyq býkkrossing-aimaǵyna aparasyz. Ondaǵy kitap sóresine oqylǵan kitabyńyzdy qoiyp, siz oqymaǵan kitaptardy alýyńyzǵa bolady.
Aqysyz. Býkkrossing-aimaqtary adamdar kóp shoǵyrlanatyn oiyn-saýyq ortalyqtary, joǵary oqý oryndary men qoǵamdyq jerlerde ornatylady.
Kitap almastyratyn ár alańǵa «Rýhani jańǵyrý» baǵdarlamasy aiasynda otandyq jáne sheteldik klassikterdiń esimi beriledi. 11 qyrkúiek kúni elordadaǵy Qazaq biznes jáne tehnologiia ýniversitetinde jobanyń ashylý saltanaty ótedi. Sharaǵa belgili jazýshylar qatysyp, jastardyń kitapqa degen yntasyn arttyrý úshin kezdesýler ótkiziledi.
Elimizdegi alǵashqy býkkrossing-aimaǵy Taldyqorǵan qalasynda ashylǵan bolatyn.
Alda respýblika boiynsha 17 kitap almastyrý sharasyn ótkizý josparlanyp otyr.
Jobany Nur-Sultan qalasy ákimdiginiń «Astana jastary» jastar resýrstyq ortalyǵy jáne Social Development Center QQ QR Aqparat jáne qoǵamdyq damý ministrliginiń qoldaýymen «Azamattyq bastamalardy qoldaý» KEAQ-nyń granttyq qarjylandyrýy arqasynda júzege asyrmaq.
