2025 جىلعى 24 ساۋىردە باتىس قازاقستان وبلىسىنىڭ اكىمى ناريمان تورەعالي ۇلى تورەعالييەۆ ليتۆا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ەگيديۋس ناۆيكاسپەن رەسمي كەزدەسۋ وتكىزدى،– دەپ حابارلايدى Dalanews.kz
كەزدەسۋدە تاراپتار ەكىجاقتى ىنتىماقتاستىق، ونىڭ ىشىندە لوگيستيكا، كولىك، اگروونەركاسىپتىك كەشەن جانە قۇرىلىس سالالارىنداعى ماسەلەلەردى تالقىلادى.
ءوز تاراپىنان ەلشى باتىس قازاقستان وبلىسىنىڭ كاسىپكەرلەرىمەن ەلشىلىك ۇيىمداستىراتىن بيزنەس-ميسسيالار شەڭبەرىندە ليتۆا رەسپۋبليكاسىنا شاقىردى.
ايتا كەتۋ كەرەك، 2024 جىلدىڭ قورىتىندىسى بويىنشا ليتۆا رەسپۋبليكاسىمەن ءوزارا قارىم-قاتىناستى دامىتۋ اياسىندا باتىس قازاقستان وبلىسىنىڭ ليتۆا رەسپۋبليكاسىمەن تاۋار اينالىمى 877 مىڭ دوللاردى، ونىڭ ىشىندە ەكسپورت 262،4 مىڭ اقش دوللارىن، ال يمپورت 614،6 مىڭ دوللاردى قۇرادى. يمپورتتىڭ نەگىزگى تاۋارلارى – ىرىمشىكتەر (198 مىڭ اقش دوللارى) جانە كيىم (300 مىڭ اقش دوللارى)، ەكسپورت – پوليەتيلەن قاپتار مەن پاكەتتەر (137 مىڭ اقش دوللارى) بولىپ تابىلادى. تاراپتار ەكونوميكانىڭ بارلىق سالالارىندا ىنتىماقتاستىقتى ودان ءارى دامىتۋعا كەلىستى.
