2025 jylǵy 24 sáýirde Batys Qazaqstan oblysynyń ákimi Nariman Tóreǵaliuly Tóreǵaliev Litva Respýblikasynyń Qazaqstan Respýblikasyndaǵy Tótenshe jáne Ókiletti Elshisi Egidiýs Navikaspen resmi kezdesý ótkizdi,– dep habarlaidy Dalanews.kz
Kezdesýde taraptar ekijaqty yntymaqtastyq, onyń ishinde logistika, kólik, agroónerkásiptik keshen jáne qurylys salalaryndaǵy máselelerdi talqylady.
Óz tarapynan elshi Batys Qazaqstan oblysynyń kásipkerlerimen elshilik uiymdastyratyn biznes-missiialar sheńberinde Litva Respýblikasyna shaqyrdy.
Aita ketý kerek, 2024 jyldyń qorytyndysy boiynsha Litva Respýblikasymen ózara qarym-qatynasty damytý aiasynda Batys Qazaqstan oblysynyń Litva Respýblikasymen taýar ainalymy 877 myń dollardy, onyń ishinde eksport 262,4 myń AQSh dollaryn, al import 614,6 myń dollardy qurady. Importtyń negizgi taýarlary – irimshikter (198 myń AQSh dollary) jáne kiim (300 myń AQSh dollary), eksport – polietilen qaptar men paketter (137 myń AQSh dollary) bolyp tabylady. Taraptar ekonomikanyń barlyq salalarynda yntymaqtastyqty odan ári damytýǵa kelisti.
