«استانا» ساياباعىندا قازاق حالقىنىڭ تاريحىندا, مەدەنيەتٸندە جەنە ۇلتتىق تاعامدارىندا ەرەكشە ورىن الاتىن تارى داقىلىن ٶسٸرۋ دەستٷرٸن ساقتاۋ مەن دەرٸپتەۋگە ارنالعان «اقتٶبە – تارىنىڭ استاناسى» گاستروفەستيۆالٸ ٶتتٸ, دەپ حابارلايدى dalanews.kz.
ٸس-شاراعا وبلىس ەكٸمٸ اسحات شاحاروۆ قاتىسىپ, فەستيۆالدٸڭ كٶرمە الاڭدارىن ارالاپ كٶردٸ, قاتىسۋشىلارمەن جەنە قوناقتارمەن جٷزدەستٸ. سونداي-اق ۇلتتىق دەستٷرلەردٸ ساقتاۋ مەن ٶڭٸردە گاسترونومييالىق تۋريزمدٸ دامىتۋدىڭ ماڭىزدىلىعىنا توقتالدى.
اۋقىمدى شاراعا قالا تۇرعىندارى مەن قوناقتارى كٶپتەپ جينالىپ, ٶڭٸردٸڭ باي مەدەني جەنە گاسترونومييالىق مۇراسىن تانىتاتىن جارقىن الاڭعا اينالدى.
فەستيۆال قوناقتارىنىڭ تارىدان دايىندالعان ەلۋگە جۋىق تاعام تٷرٸ ۇسىنىلعان كٶرمە-جەرمەڭكە ەرەكشە قىزىعۋشىلىعىن تۋدىردى. قاتىسۋشىلار ۇلتتىق تاعامداردىڭ الۋان تٷرٸمەن تانىسىپ, شوكولادتى جەنت ەزٸرلەۋ بويىنشا شەبەرلٸك ساباعىنا قاتىسىپ, دەستٷرلٸ باۋىرساق پەن ساماۋرىننان قۇيىلعان شايدان دەم تاتتى.
كٶپشٸلٸكتٸڭ نازارى ەيتەكە بي اۋدانىنىڭ ارنايى الاڭىنا تٷستٸ. مۇندا تارى ٶسٸرۋ جەنە ٶڭدەۋ تاريحىنا ارنالعان ەكسپوناتتار قويىلىپ, دەندٸ داقىلدى دەستٷرلٸ تەسٸلمەن دايىنداۋ ٷدەرٸسٸ كٶرسەتٸلدٸ. كەلۋشٸلەر اتاقتى تارىشى شىعاناق بەرسيەۆتٸڭ قازاقستان اۋىل شارۋاشىلىعىن دامىتۋعا قوسقان ٷلەسٸ تۋرالى كەڭٸرەك مەلٸمەت الىپ, وسى داقىلعا قاتىستى ۇلتتىق دەستٷرلەردٸڭ ەرەكشەلٸكتەرٸمەن تانىستى.
فەستيۆال اۋماعىندا حالىق شەبەرلەرٸنٸڭ قولٶنەر بۇيىمدارى كٶرمەسٸ دە ۇيىمداستىرىلدى. قوناقتار تەرٸدەن, كيٸزدەن, اعاشتان جەنە جٷننەن جاسالعان اۆتورلىق جۇمىستاردى تاماشالاپ, زەرگەرلٸك ٶنەر تۋىندىلارىمەن تانىستى جەنە قولٶنەرشٸلەر ٶتكٸزگەن شەبەرلٸك ساباقتارىنا قاتىستى.
گاستروفەستيۆال اياسىنداعى ماڭىزدى ٸس-شارالاردىڭ بٸرٸ اۋىل شارۋاشىلىعى سالاسىنىڭ ماماندارىن, اگرونومداردى, قوعام ٶكٸلدەرٸن جەنە ساراپشىلاردى بٸرٸكتٸرگەن «اقتٶبە – تارىنىڭ استاناسى» اتتى دٶڭگەلەك ٷستەل بولدى. كەزدەسۋ بارىسىندا تارى ٶسٸرۋ دەستٷرٸن جاڭعىرتۋ, ونىڭ پايدالى قاسيەتتەرٸ, سونداي-اق ٶڭٸردٸڭ اگرارلىق جەنە گاسترونومييالىق ەلەۋەتٸن دامىتۋ پەرسپەكتيۆالارى تالقىلاندى.
گاستروفەستيۆال ۇلتتىق تاعامداردى ناسيحاتتايتىن مەرەكەلٸك شارا عانا ەمەس, مەدەني مۇرانى دەرٸپتەۋگە, دەستٷرلٸ ٶنٸمدەرگە دەگەن قىزىعۋشىلىقتى ارتتىرۋعا جەنە تاريحي جادىنى ساقتاۋعا باعىتتالعان ماڭىزدى الاڭعا اينالدى. ٸس-شارا قازاق حالقىنىڭ تاريحى مەن مەدەنيەتٸندەگٸ تارىنىڭ ەرەكشە ورنىن تاعى بٸر مەرتە ايقىنداپ, اقتٶبە وبلىسىنىڭ وسى بٸرەگەي داقىلدى دامىتۋداعى ماڭىزدى ورتالىقتاردىڭ بٸرٸ ەكەنٸن كٶرسەتتٸ.
