باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى رۋستام احمەتوۆ 2025 جىلعى 17 ناۋرىزدا ءماجىلىس دالىزىندە جۋرناليستەرگەن سۇقباتىندا ءاموز مەن ءپموز-دى جەكەشەلەندىرۋ تۋرالى ۇسىنىسقا قاتىستى تۇسىنىكتەمە بەردى، دەپ حابارلايدى Dalanews.kz.
ول بقدا تاراپىنان اتىراۋ جانە پاۆلودار موز-دەرىن جەكەشەلەندىرۋ بويىنشا ۇسىنىس بولعانىن راستادى.
"ۇكىمەتتە الدىن الا تالقىلاۋ بولدى جانە اتالعان اكتيۆتەردەگى 50% مەملەكەتتىڭ قاتىسۋ ۇلەسىن جەكەگە بەرۋ تۋرالى ۇسىنىس الدىن الا كەلىسىلدى. ءبىز مۇنى ۇلگى بولارلىق شىمكەنتتەگى ءموز-دىڭ تابىستى جۇمىسىنان كورىپ وتىرمىز، ونداعى ۇلەستىڭ 50%-ى جەكە مەنشىككە تيەسىلى. ەڭ باستىسى، باسقارۋدىڭ جەكە نىسانى قالىپتاسقان، ياعني مەملەكەت تاراپىنان لاۋازىمدى تۇلعالاردىڭ قاتىسى جوق. ناتيجەسىندە - اپاتتار، تەحنولوگيالىق اقاۋلار بىرنەشە ەسە ازايىپ، سايكەسىنشە جوندەۋ جۇمىستارىنىڭ كولەمى دە تومەندەگەن. بۇل جەكە سەكتور تاراپىنان الدەقايدا ءتيىمدى باسقارۋ بولاتىنىن راستايدى"، - دەدى رۋستام احمەتوۆ.
سونداي-اق، ول وتىن-ەنەرگەتيكا كەشەنى سالاسىندا كوممۋنالدىق مەنشىك نىساندارىنىڭ باسىم بولىگىن تكش سالاسىندا جەكەشەلەندىرۋ ۇسىنىلىپ وتىرعانىن اتاپ ءوتتى.
"الايدا، ءبىز ولاردى جەكەشەلەندىرۋدىڭ ءۇشىنشى كەزەڭىنە جاتقىزۋدى ۇسىنامىز. وندا دا وسى سالالارداعى رەتتەۋشى بازانى وزگەرتۋگە جانە ىنتالاندىرۋشى تاريف قۇرۋعا ىقپال ەتەتىن بارلىق مەملەكەتتىك باعدارلامالاردى ىسكە اسىرعاننان كەيىن. نارىق جەكەشەلەندىرىلگەن وبەكتىلەردىڭ تابىستى جۇمىسىنا دايىن بولعاندا، ءبىز مەملەكەتتىڭ ۇلەسى بار وسى كۇردەلى سەگمەنتتى دە جەكەشەلەندىرۋگە كىرىسەمىز. ءبىرىنشى كەزەڭدە ءبىز كومپانيالاردىڭ جوعارى تابىستىلىعى جانە جەكە بيزنەستىڭ ايتارلىقتاي ۇلەسى بايقالاتىن، كوممەرسيالىق تۇرعىدان قالىپتاسقان اكتيۆتەردى جەكەشەلەندىرۋدى ۇسىندىق. بۇل - تكش، اباتتاندىرۋ جانە باسقا دا قىزمەت تۇرلەرى"، - دەپ ءسوزىن تولىقتىردى رۋستام احمەتوۆ.
بۇعان دەيىن سايتىمىزدا "اتىراۋ جانە پاۆلودار موز-دەرىندەگى ۇلەستى جەكە ينۆەستورلارعا ۇسىنىپ كورەمىز - بقدا ءتوراعاسى" دەگەن ماتەريال جاريالانعان بولاتىن.
