بۇل فيلمدە ويناعان ساشا بارون كوەن ميۋزيكلدەگى نەمەسە كومەدياداعى ەڭ ۇزدىك ءرول نوميناسياسىن جەڭىپ الدى.
لوس-اندجەلەستە كينوفيلم مەن تەليەۆيزيزيا سالاسىنداعى ەرەن ەڭبەك ماراپاتىنا ارنالعان 78ء-شى "التىن گلوبۋس" شاراسىنىڭ سالتاناتى ءوتتى. التىن گلوبۋس "وسكاردان" كەيىنگى ەڭ بەدەلدى سىيلىق بولىپ سانالادى.
2020 جىلدىڭ قىركۇيەك ايىنىڭ باسىندا بورات تۋرالى ءفيلمنىڭ ەكىنشى ءبولىمىن ءتۇسىرۋ اياقتالدى. قاراشا ايىندا ونىڭ العاشقى كورسەتىلىمى بولدى. قازاقستاندا ءفيلمدى پروكاتتاۋعا تىيىم سالىندى.
29 قازاندا قازاقستاندىقتار اقش-تىڭ الماتىداعى باس كونسۋلدىعىنىڭ جانىندا پيكەت وتكىزدى. نارازىلىق بىلدىرۋشىلەر "بورات" ءفيلمى كەيىپكەرىنىڭ سۋرەتىن تابىتقا سالىپ، اقش جالاۋىمەن ورادى. ولار "بوراتتى" اقش-قا جەرلەۋدى تالاپ ەتتى.
23 قازاندا الماتىلىقتاردىڭ ءبىر توبى اقش-تىڭ باس كونسۋلدىعىنا كەلىپ، ديپلوماتتارعا "بوراتتىڭ" ەكىنشى ءفيلمىن كورسەتۋگە نارازىلىق بىلدىرگەندەردىڭ قولى بار پەتيسيانى تاپسىردى. ولار اكتەر ساشا بارون كوەننىڭ ءفيلمى ءۇشىن قازاقستان حالقىنان كەشىرىم سۇراۋىن جانە "قازاقستاننىڭ ۇلتتىق قاۋىپسىزدىگىنە زيان كەلتىرۋگە قاتىسى بارلاردى" جاۋاپقا تارتۋدى تالاپ ەتتى.
2006 جىلى كينوتەاترلاردا بريتاندىق ازىلكەش ساشا بارون كوەننىڭ "بورات: قازاقستان حالقىنىڭ يگىلىگى ءۇشىن امەريكالىق مادەنيەتتى زەرتتەۋ" كومەدياسى جارىق كوردى.
وندا امەريكا تۋرالى دەرەكتى فيلم ءتۇسىرىپ جاتقان قازاقستاندىق ءجۋرناليستىڭ شىم-شىتىرىق وقيعالارى باياندالادى.
