Bul fılmde oınaǵan Sasha Baron Koen múzıkldegi nemese komedıadaǵy eń úzdik ról nomınasıasyn jeńip aldy.
Los-Andjeleste kınofılm men televızızıa salasyndaǵy eren eńbek marapatyna arnalǵan 78-shi "Altyn globýs" sharasynyń saltanaty ótti. Altyn globýs "Oskardan" keıingi eń bedeldi syılyq bolyp sanalady.
2020 jyldyń qyrkúıek aıynyń basynda Borat týraly fılmniń ekinshi bólimin túsirý aıaqtaldy. Qarasha aıynda onyń alǵashqy kórsetilimi boldy. Qazaqstanda fılmdi prokattaýǵa tyıym salyndy.
29 qazanda qazaqstandyqtar AQSH-tyń Almatydaǵy Bas konsýldyǵynyń janynda pıket ótkizdi. Narazylyq bildirýshiler "Borat" fılmi keıipkeriniń sýretin tabytqa salyp, AQSH jalaýymen orady. Olar "Boratty" AQSH-qa jerleýdi talap etti.
23 qazanda almatylyqtardyń bir toby AQSH-tyń Bas konsýldyǵyna kelip, dıplomattarǵa "Borattyń" ekinshi fılmin kórsetýge narazylyq bildirgenderdiń qoly bar petısıany tapsyrdy. Olar akter Sasha Baron Koenniń fılmi úshin Qazaqstan halqynan keshirim suraýyn jáne "Qazaqstannyń ulttyq qaýipsizdigine zıan keltirýge qatysy barlardy" jaýapqa tartýdy talap etti.
2006 jyly kınoteatrlarda brıtandyq ázilkesh Sasha Baron Koenniń "Borat: Qazaqstan halqynyń ıgiligi úshin amerıkalyq mádenıetti zertteý" komedıasy jaryq kórdi.
Onda Amerıka týraly derekti fılm túsirip jatqan qazaqstandyq jýrnalısiń shym-shytyryq oqıǵalary baıandalady.
