قازاقستان قارجىگەرلەرى قاۋىمداستىعىنىڭ ساراپتاما ورتالىعى 2025 جىلعى اقپانداعى كەيبىر ينديكاتورلارى بويىنشا قارجى نارىعىنىڭ كاسىبي قاتىسۋشىلارىنان كەزەكتى رەت الىنعان ساۋالناما ناتيجەسىن جاريالادى، دەپ حابارلايدى Dalanews.kz.

زەرتتەۋ قارجى نارىعىنىڭ كاسىبي قاتىسۋشىلارىنىڭ، بانك، ساقتاندىرۋ، بروكەرلىك ۇيىمدار وكىلدەرىنىڭ، ساراپتاما جانە قازىناشىلىق بولىمشەلەر قىزمەتكەرلەرىنىڭ پىكىرىنەن تۇرادى.

بۇل جاريالانىمدا رەسپوندەنتتەردىڭ كەلەسى نەگىزگى ينديكاتورلار بويىنشا بولجامدارعا قاتىستى سۇراقتارعا جاۋاپتارى ۇسىنىلعان:

1. ينفلياسيا؛
2. ق ر ۇب بەلگىلەيتىن بازالىق مولشەرلەمە كورسەتكىشى قانداي بولۋى مۇمكىن.
3. تەڭگەگە شاققاندا 1 اقش دوللارى قانشا بولادى.
4. Brent ماركالى مۇنايدىڭ ءبىر باررەلى قانشا بولۋى ىقتيمال؛
5. ءجىو؛

ءتۇيىن:

1. ايلىق ينفلياسيانىڭ سوڭعى 11 ايداعى ەڭ جوعارى كورسەتكىشكە دەيىن (قاڭتاردا — 1،1%) ۇدەۋى جانە سالىق جۇيەسىنە قاتىستى تالقىلانىپ جاتقان رەفورمالار اياسىندا كەلەسى جىلعا بولجاناتىن ينفلياسيا كولەمى بويىنشا بولجام ناشارلاي ءتۇستى. ءبىر جىلدان كەيىن كۇتىلەتىن ينفلياسيانىڭ ورتاشا دەڭگەيى 9،4%-دان 10،6%-عا دەيىن ءوستى.
2. بايقالىپ وتىرعان جانە كۇتىلەتىن ينفلياسيانىڭ ءوسىمى بازالىق مولشەرلەمەنىڭ جوعارىلاۋىنا جانە اقشا-كرەديت جاعدايلارىن قالىپقا كەلتىرۋ مەرزىمدەرىن تاعى دا كەشەۋىلدەۋىنە اكەلىپ سوعۋى مۇمكىن. سونىمەن، رەسپوندەنتتەردىڭ 37%-ى الداعى 7 ناۋرىزداعى وتىرىستا بازالىق مولشەرلەمە كولەمى وسەدى دەپ ويلايدى، ءبىراق قالعان كوپشىلىگى ونىڭ قازىرگى كۇيىندە ساقتالاتىنىن بولجايدى. سونىمەن قاتار، كەلەسى 12 ايدا بازالىق مولشەرلەمەنى تومەندەتۋ كەڭىستىگى ايتارلىقتاي تارىلدى: ءبىر جىلدان كەيىن ونىڭ ءمانى 14،5% بولۋى مۇمكىن، ال ءبىر اي بۇرىن بۇل كولەم 14،0% دەپ بولجانعان. وسىلايشا، ەكونوميكاداعى ناقتى ستاۆكا قازىرگى جوعارى دەڭگەيى 6،35%-دان 3،9%-عا دەيىن تومەندەۋى مۇمكىن.
3. جوعارى ستاۆكالار، سالىق كەزەڭىندە ءداستۇرلى تۇردە تەڭگەگە دەگەن سۇرانىستىڭ ارتۋى، ق ر ۇب وپەراسيالارى شەڭبەرىندە شەتەل ۆاليۋتالارىنىڭ تۇراقتى ۇسىنىسى جانە ساۋدا بالانسىنىڭ ماۋسىمىنا ساي پروفيسيت كورسەتكىشىنىڭ جاقسارۋى (ءبىرىنشى توقساندا يمپورتقا جۇمسالاتىن شىعىستار، ادەتتە، تومەندەيدى، ال تاۋارلار ەكسپورتىنان تۇسەتىن كىرىستەر وزگەرىسسىز قالادى) اقشا باعامىن قىسقا مەرزىمدى پەرسپەكتيۆادا قولدايدى، ءبىراق ۇزاق مەرزىمدى پەرسپەكتيۆادا قىسىم جاساۋىن جالعاستىرۋى مۇمكىن. ءبىر ايدان كەيىن 1 اقش دوللارى 513،9 تەڭگە (تەك. 510،7)، ال ءبىر جىلدان كەيىن 551،2 تەڭگە (552،5 بۇرىن) بولۋى مۇمكىن.
4. بۇل جاھاندىق دەڭگەيدە شيكىزات ۇسىنىسىنىڭ بولجامدى ۇلعايۋى جانە الەمدىك ەكونوميكانىڭ باياۋلاۋى اياسىندا ءبىر جىلدان كەيىن كۇتىلەتىن Brent مۇنايىنىڭ ورتاشا باعاسىنىڭ ارزانداۋىمەن بايلانىستىرىلادى. 2025 جىلى ءبىر باررەل مۇناي قۇنى 69،3 دوللار (بۇرىن 73،6) بولادى دەپ قايتا قارالدى. ەستەرىڭىزگە سالا كەتەيىك، بيۋدجەت مۇنايدىڭ ءبىر باررەلىن 75 دوللار تۇرعىسىندا ەسەپتەلگەن.
5. مۇنايدىڭ ارزانداۋى، قاتاڭ قارجىلىق جاعدايلار جانە اعىمداعى جىلداعى جوعارى بازالىق مولشەرلەمە اسەرى (تەڭىزدە كەن ورىنى ىسكە قوسىلدى) 12 ايدان كەيىن ءجىو ديناميكاسىنا تەرىس اسەر ەتۋى مۇمكىن. ءبىر جىلدان كەيىن ءجىو-نىڭ ءوسىمى بويىنشا بولجام ءبىر اي بۇرىن بولجانعان 4،3% كورسەتكىشتەن 4،1%-عا دەيىن تومەندەتىلدى.

بۇعان دەيىن سايتىمىزدا "HF cاراپشىسى تەڭگەنىڭ نىعايۋىنا نە تۇرتكى ەكەنىن ايتىپ، دوللار قانشا بولاتىنىن بولجادى" دەگەن ماقالا جاريالانعان. وعان سايكەس، Halyk Finance مامانى وسى اقپان ايىنىڭ سوڭىندا 1 اقش دوللارى 518،2 تەڭگە بولادى دەپ بولجايدى.