جاڭا قازاقستان ورناعالى بەرٸ بٶكەڭنٸڭ بيزنەس-يمپەريياسى ىدىراي باستاعان. 2023 جىلدىڭ باسىندا ول Eastern Gold كومپانيياسىنىڭ قۇرىلتايشىسى قاتارىنان شىعىپ, كەسٸپورىن بيزنەس سەرٸكتەسٸنٸڭ اتىنا ٶتكەن.
كومپانييانىڭ نەگٸزگٸ قىزمەتٸ التىن ٶڭدەۋ. كومپانييانىڭ تاريحى ەكس-پرەزيدەنت نۇرسۇلتان نازارباەۆتىڭ وتباسىمەن تىعىز بايلانىستى.
سەرٸكتەستٸكتٸڭ تاريحىنا ٷڭٸلسەك, Eastern Gold-تىڭ نەگٸزٸ 2018 جىلدىڭ قاراشاسىندا قالانعان. ونىڭ سول كەزدەگٸ قۇرىلتايشىلارى رايسا بايباقتيەۆا, گٷلميرا سەرسەمباەۆا جەنە بولات نازارباەۆقا تيەسٸلٸ QazIndustrial Trade كومپانيياسى بولدى.
2022 جىلعى دەرەكتەر بويىنشا جارعىلىق كاپيتالدىڭ جارتىسى ر.بايباقتيەۆاعا تيەسٸلٸ بولسا, قالعان تٶرتتەن ەكٸ بٶلٸگٸ گ.سەرسەمباەۆا مەن ب.نازارباەۆتىڭ اراسىندا بٶلٸسكە سالىنعان.
2023 جىلدىڭ 23 اقپانىندا ب.نازارباەۆ التىن ٶندٸرۋ بيزنەسٸنٸڭ قۇرىلتايشىسى قاتارىنان شىققان. ب.نازارباەۆ كەتكەننەن كەيٸن بٸرنەشە اي قۇرىلتايشى بولعان گٷلميرا سەرسەمباەۆا دا تٸزٸمنەن شىقتى. ٷش ايدان كەيٸن QazIndustrial Trade كومپانيياسى جۇمىسىن توقتاتتى.
2019 جىلدىڭ كٷزٸندە Eastern Gold جشس شىعىس قازاقستان وبلىسىنداعى رودنيكوۆوە التىن كەن ورنىنىڭ ەكٸ ۋچاسكەسٸ (رودنيكوۆوە جەنە بەلايا گوركا ۋچاسكەلەرٸ) بويىنشا كەلٸسٸم-شارتقا قول جەتكٸزگەن.
سونداي-اق, كومپانييا اباي وبلىسىنىڭ كٶكپەكتٸ اۋدانىندا التىن ايىرۋ زاۋىتىنىڭ قۇرىلىسىن باستاعان. باستاپقىدا ونى 2020 جىلى اياقتاۋ جوسپارلانسا, كەيٸن مەرزٸمٸ بٸر جىلعا شەگەرٸلگەن. الايدا فابريكا ەلٸ ٸسكە قوسىلماعان. ونىڭ قۇرىلىسىنا Eastern Gold 800 ملن تەڭگە ينۆەستيتسييا سالعان. زاۋىت Dore قورىتپاسىنىڭ (التىن مەن كٷمٸس قورىتپاسى) ٶندٸرٸسٸن جىلىنا 150 كەلٸگە دەيٸن ارتتىرۋعا مٷمكٸندٸك بەرە الادى. بٸراق سەرٸكتەستٸكتٸڭ جوسپارى اۋقىمدى بولعانمەن, ودان تٷسەتٸن سالىق سەنٸمگە سەلكەۋ تٷسٸرەدٸ.
بيىل Eastern Gold مەملەكەت قازىناسىنا نەبەرٸ 881 مىڭ تەڭگە قۇيعانىنىڭ ٶزٸ بٸراز نەرسەنٸ ايعاقتاپ تۇرعانداي.
ەستەرٸڭٸزگە سالا كەتەيٸك, بولات نازارباەۆتىڭ ٷشٸنشٸ ەيەلٸ بۇل كەسٸپورىندى مٷلٸكتٸ بٶلۋ تۋرالى تالاپ ارىزىندا كٶرسەتٸپ, ونى بٸرلەسٸپ ساتىپ الدىق دەپ كٶرسەتكەن ەدٸ.
سەرٸكتەستٸكتٸڭ قازٸرگٸ يەسٸ رايسا بايباقتيەۆانىڭ اناسى گٷلبانۋ پازىلحايىروۆا (سۋرەتتە) تمد-نىڭ ەڭبەك سٸڭٸرگەن ەنەرگەتيگٸ دەگەن دەرەك بار.
2007 جىلى ول «ورداباسى» كورپوراتسيياسىنىڭ» باسقارما تٶراعاسى قىزمەتٸن اتقاردى. 2012 جىلى «سامۇرىق-ەنەرگو» باسقارما تٶراعاسىنىڭ ورىنباسارى, «الماتى ەلەكتر ستانتسييالارى» ديرەكتورلار كەڭەسٸنٸڭ مٷشەسٸ بولدى.
سونىمەن قاتار «قازاقستان كوممۋنالدىق جٷيەلەرٸ» جشس باقىلاۋ كەڭەسٸن باسقاردى. دەل وسى كومپانييا قاراعاندى جەو-3-كە يەلٸك ەتەدٸ. ٶتكەن ايدا وسى مەكەمەدە بولعان تەحنيكالىق اقاۋدىڭ سالدارىنان وبلىستا بلەكاۋت ورىن الىپ, جارىق ٶشٸپ قالعانى ەستە.
https://dalanews.kz/zheli/94078-bolashaq-stipendiiasynan-bas-tartu-neg
https://youtu.be/BNzM7UG7zMU
