Jańa Qazaqstan ornaǵaly beri Bókeńniń biznes-imperiiasy ydyrai bastaǵan. 2023 jyldyń basynda ol Eastern Gold kompaniiasynyń quryltaishysy qatarynan shyǵyp, kásiporyn biznes seriktesiniń atyna ótken.
Kompaniianyń negizgi qyzmeti altyn óńdeý. Kompaniianyń tarihy eks-prezident Nursultan Nazarbaevtyń otbasymen tyǵyz bailanysty.
Seriktestiktiń tarihyna úńilsek, Eastern Gold-tyń negizi 2018 jyldyń qarashasynda qalanǵan. Onyń sol kezdegi quryltaishylary Raisa Baibaqtieva, Gúlmira Sársembaeva jáne Bolat Nazarbaevqa tiesili QazIndustrial Trade kompaniiasy boldy.
2022 jylǵy derekter boiynsha jarǵylyq kapitaldyń jartysy R.Baibaqtievaǵa tiesili bolsa, qalǵan tórtten eki bóligi G.Sársembaeva men B.Nazarbaevtyń arasynda bóliske salynǵan.
2023 jyldyń 23 aqpanynda B.Nazarbaev altyn óndirý biznesiniń quryltaishysy qatarynan shyqqan. B.Nazarbaev ketkennen keiin birneshe ai quryltaishy bolǵan Gúlmira Sársembaeva da tizimnen shyqty. Úsh aidan keiin QazIndustrial Trade kompaniiasy jumysyn toqtatty.
2019 jyldyń kúzinde Eastern Gold JShS Shyǵys Qazaqstan oblysyndaǵy Rodnikovoe altyn ken ornynyń eki ýchaskesi (Rodnikovoe jáne Belaia Gorka ýchaskeleri) boiynsha kelisim-shartqa qol jetkizgen.
Sondai-aq, kompaniia Abai oblysynyń Kókpekti aýdanynda altyn aiyrý zaýytynyń qurylysyn bastaǵan. Bastapqyda ony 2020 jyly aiaqtaý josparlansa, keiin merzimi bir jylǵa shegerilgen. Alaida fabrika áli iske qosylmaǵan. Onyń qurylysyna Eastern Gold 800 mln teńge investitsiia salǵan. Zaýyt Dore qorytpasynyń (altyn men kúmis qorytpasy) óndirisin jylyna 150 kelige deiin arttyrýǵa múmkindik bere alady. Biraq seriktestiktiń jospary aýqymdy bolǵanmen, odan túsetin salyq senimge selkeý túsiredi.
Biyl Eastern Gold memleket qazynasyna nebári 881 myń teńge quiǵanynyń ózi biraz nárseni aiǵaqtap turǵandai.
Esterińizge sala keteiik, Bolat Nazarbaevtyń úshinshi áieli bul kásiporyndy múlikti bólý týraly talap aryzynda kórsetip, ony birlesip satyp aldyq dep kórsetken edi.
Seriktestiktiń qazirgi iesi Raisa Baibaqtievanyń anasy Gúlbaný Pazylhaiyrova (sýrette) TMD-nyń eńbek sińirgen energetigi degen derek bar.
2007 jyly ol «Ordabasy» korporatsiiasynyń» basqarma tóraǵasy qyzmetin atqardy. 2012 jyly «Samuryq-Energo» basqarma tóraǵasynyń orynbasary, «Almaty elektr stantsiialary» direktorlar keńesiniń múshesi boldy.
Sonymen qatar «Qazaqstan kommýnaldyq júieleri» JShS baqylaý keńesin basqardy. Dál osy kompaniia Qaraǵandy JEO-3-ke ielik etedi. Ótken aida osy mekemede bolǵan tehnikalyq aqaýdyń saldarynan oblysta blekaýt oryn alyp, jaryq óship qalǵany este.
https://dalanews.kz/zheli/94078-bolashaq-stipendiiasynan-bas-tartu-neg
https://youtu.be/BNzM7UG7zMU
