ٶتكەن دەمالىستا بولات باقاۋوۆ «پاۆلودار» ارنايى ەكونوميكالىق ايماعىنداعى بٸرقاتار كەسٸپورىنداردى ارالاپ, 2019 جىلدىڭ قورىتىندىسىنا ارنالعان جيىنعا قاتىستى. ايماق باسشىسى «سەۆەرحيم» جشس, «اسكور» جشس, «ەرتٸسنەفتەسەرۆيس» جشس, «ۆەكتور – پاۆلودار» جشس, «روسدوركوم» جشس, «رتف پۆل» جشس قولعا العان جوبالاردىڭ بارىسىمەن تانىستى.
[caption id="attachment_48798" align="alignright" width="320"]
«پاۆلودار» ارنايى ەكونوميكالىق ايماعى باسقارۋشى كومپانيياسىنىڭ باسقارما تٶراعاسى ەلٸبەك نەسٸپبەكوۆتٸڭ سٶزٸنشە, بيىل ارنايى ايماقتاعى كەسٸپورىندار 43,4 ملرد تەڭگەنٸڭ ٶنٸمٸن ٶندٸرگەن. كٶرسەتكٸش 2018 جىلمەن سالىستىرعاندا 1,6 ەسە جوعارى. ٶتكەن جىلى مۇنداعى كەسٸپورىندار 27 ملرد تەڭگەنٸڭ ٶنٸمٸن شىعارعان ەدٸ.
– بيىل 16 ملرد تەڭگەنٸڭ ٶنٸمٸ ەكسپورتتالدى. بىلتىرعى جىلمەن سالىستىرعاندا كٶرسەتكٸش 1,3 ەسە جوعارى, – دەدٸ ەلٸبەك نەسٸپبەكوۆ. – سالىقتىق تٷسٸمدەر دە 1,4 ەسە ارتتى. مۇنداعى كەسٸپورىندار 2019 جىلى قازىناعا 2,2 ملرد تەڭگە كٶلەمٸندە سالىق تٶلەدٸ. مەملەكەتتٸڭ 1 تەڭگەسٸنە 12,5 تەڭگە جەكە ينۆەستيتسييا تارتىلعانىن دا اتاپ ٶتكەن ابزال.
ەسكە سالا كەتەيٸك, بٷگٸندە «پاۆلودار» ارنايى ەكونوميكالىق ايماعىندا 283 ملرد تەڭگەگە بارلىعى 38 جوبا جٷزەگە اسىرىلىپ جاتىر. ونىڭ 10-ى ناقتى جۇمىس ٸستەپ تۇر. 10 جوبانىڭ قۇرىلىسى جٷرٸپ جاتىر. كەلەر جىلى 7 جوبانىڭ قۇرىلىس-مونتاج جۇمىستارى باستالادى. تاعى 11 جوبا پىسىقتالۋ ٷستٸندە.
ونىڭ ايتۋىنشا, كەلەر جىلى 10 جوبا پايدالانۋعا بەرٸلمەك.
«پاۆلودار» ارنايى ەكونوميكالىق ايماعى 1200 گەكتار جەردٸ الىپ جاتىر. بٷگٸندە ونىڭ تەك 360 گەكتارى پايدالانىلعان.
بولات باقاۋوۆ «پاۆلودار» ارنايى ەكونوميكالىق ايماعىنداعى جۇمىستاردى ودان ەرٸ جانداندىرۋدى تاپسىردى. سونداي-اق, سانعا ەمەس, ساپاعا ەرەكشە مەن بەرۋ كەرەكتٸگٸن ەسكەرتتٸ.
پاۆلودار وبلىسى ەكٸمٸنٸڭ باسپاسٶز قىزمەتٸ
