بۇل ٸستٸ ناۋقانشىلدىققا اينالدىرعانىمىز سونشالىقتى, تاياۋدا اۋىلعا بارعانىمدا ورتا مەكتەپتٸ زورعا بٸتٸرگەن, مىنا دٷنيەدە قانداي ٶزگەرٸس بولىپ جاتسا دا, قامسىز, مۇڭسىز قالپىنان اينىمايتىن دوسىم ەلكەمباي:
– سەن جوعارى جاقتا جٷرسٸڭ عوي (مىنا سٶزٸ ۇناپ قالدى). جۇرت لاتىنعا كٶشەمٸز دەپ دٷرلٸگٸپ جاتىر. ەندٸ بەرٸمٸز اعىلشىنشا سٶيلەيمٸز بە? مەكتەپتە ون جىل وقىپ, ورىسشانى قاتىرماپ ەدٸم. ەندٸ جۇرتتىڭ بەرٸ اعىلشىنشاعا اۋىسىپ كەتسە, تاعى دا سورلاپ قالايىن دەپ تۇرعان سيياقتىمىن عوي. وسى مەن بٸلەتٸن قازاقشاعا قاشان كٶشەمٸز? – دەپ ۋايىمىن ايتقاندا6 قارقىلداپ كٷلٸپ جٸبەردٸم. دوسىما:
– قورىقپا, تٸلٸمٸز سول "قازاق-ورىس" كٷيٸندە قالا بەرەدٸ. تەك قانا ەرٸپتەرٸمٸز ٶزگەرەدٸ. ەندٸ اتىڭدى ەلكەمباي دەپ ەمەس, "Alkembay" دەپ جازاسىڭ, بولعان-بٸتكەنٸ وسى, – دەپ دوسىمنىڭ ٷرەيٸن سەيٸلتۋگە تىرىستىم. بٸراق ەلكەمباي دوسىم ٷشٸن بۇل رەفورما قيىن تيەتٸنٸن كٸرجيگەن قاباعىنان انىق بايقادىم.
يە, مەن دە قازاقستاننىڭ لاتىن ەلٸپبيٸنە كٶشۋٸن قولدايتىن كٶپ قازاقستاندىقتاردىڭ (وسىلاي ايتساق انىعىراق بولار ەدٸ) بٸرٸمٸن. مۇنداي رەفورمانى ەل بولىپ قولداۋدىڭ مەنٸ زور ەكەنٸن دە تٷسٸنەمٸن. بٸراق بٸزدٸڭ حالىقتىڭ ساياسي بەلسەندٸلٸگٸ مۇنداي جوعارى دەڭگەيگە كٶتەرٸلگەنٸن بۇرىن-سوڭدى بايقاماپپىن.
مۇعالٸم, دەرٸگەر, پوليتسييا, اسسامبلەيا مٷشەسٸ, كەسٸپكەر, تراكتوريست, قوعام بەلسەندٸلەرٸ, بەرٸ-بەرٸ ەلٸمٸزدٸڭ لاتىن ەلٸپبيٸنە كٶشۋٸن قولدايتىندارىن بٸلدٸرٸپ, گازەت-جۋرنال, ەلەۋمەتتٸك جەلٸ, سايتتارعا كٶلدەي-كٶلدەي ماقالا جازىپ جاتىر. وسىدان كەيٸن قازاقستاندىقتاردىڭ تەڭ جارتىسىن تٸل مامانى ما دەپ قالدىم.
بيلٸكتٸڭ باستاماسىن قولداۋدا الدىنا قارا سالدىرمايتىن مىرزاتاي جولداسبەكوۆ اعامىزدىڭ ٶزٸ "لاتىنعا كٶشۋٸمٸز كەرەك. بۇل بٸراق قازاقتىڭ كەشەگٸ كٶكتەمدە جايلاۋعا كٶشٸپ, كٷزدە كيٸز ٷيٸن جيناپ, قايتا قىستاۋعا كٶشەتٸندەي نەرسە ەمەس", – دەپ قالىڭ قولداۋشىلاردىڭ اپتىعىن باسۋعا تىرىسقانىن بايقاعانىمدا تاڭقالعانىمدى جاسىرىپ قايتەيٸن.
راس, لاتىن ەلٸپبينە كٶشۋ ەلٸمٸز ٷشٸن كەرەك. تٸپتٸ, بۇل ٸسكە حالىقتىڭ قولداۋى اۋاداي قاجەت ەكەنٸن دە تٷسٸنەمٸن. بٸراق لاتىن ەلٸپبيٸنە كٶشۋدٸڭ ماڭىزدىلىعى جايىندا مۇعالٸمدەر مەن ەسكەري ادامدارعا ماقالا جازعىزۋدىڭ نە قاجەتٸ بار? بۇل ٸسپەن ماماندار اينالىسۋى كەرەك ەمەس پە?
نۇرلان جۇماحان, بلوگەر, جۋرناليست
https://dalanews.kz/29038
