ەكى كۇنگە ۇلاسقان فورۋمعا ەلىمىزدەگى بەلسەندى جاستار ۇيىمدارىنىڭ جەتەكشىلەرى، وبلىستىق، قالالىق جانە اۋداندىق جاستار رەسۋرستىق ورتالىقتارىنىڭ وكىلدەرى، SMM بولىمدەرىنىڭ ديرەكتورلارى مەن قىزمەتكەرلەرى، جاستار ءماسليحاتتارىنىڭ حاتشىلارى مەن دەپۋتاتتارى، جاس كاسىپكەرلەر، جاس وتباسىلار، ەرىكتىلەر مەن بەلسەندى جاستار قاتىستى.
شارا بارىسىندا قاتىسۋشىلار ارناپ ايماقتىق جاستار ۇيىمدارىنىڭ جۇمىس ناتيجەسىن جاقسارتۋ ءۇشىن SMM بويىنشا سەمينار-ترەنينگتەر دە وتكىزىلدى.
شاراعا قاتىسقان مەيماندار بۇدان بولەك "تاۋەلسىزدىك جانە تۇڭعىش پرەزيدەنت" كىتاپ كورمەسىن تاماشالادى.
ەڭ نەگىزگى شارا 28 قاراشا كۇنى قالالىق «اباي» اتىنداعى تەاتردا وتەدى.
شارادا ەلباسىنىڭ ەل دامۋىنا قوسقان ۇلەسى ءسوز بولىپ، جاستار ەلدىڭ بۇگىنى مەن ەرتەڭىنە قاتىستى ءوز ويلارىن ورتاعا سالادى.
فورۋم شەڭبەرىندە "جىلدىڭ جاس كوشباسشىسى"، "جىلدىڭ ستۋدەنت كوشباسشىسى"، "جاس كاسىبي مامان"، "جىلدىڭ جاس ءجۋرناليسى"، "جىلدىڭ جاستار اكسياسى"، "جاس وتباسى" اتالىمدارى بويىنشا مەملەكەتتىك جاستار ساياساتىن ىسكە اسىرۋعا قوسقان ۇلەسى ءۇشىن جەڭىمپازداردى ماراپاتتاۋ ءراسىمى وتەدى.
