ايجان ايماعانوۆا پروكۋراتۋراداعى قىزمەتٸنەن كەتتٸ. ونىڭ ەسٸمٸ ساياسي پارتييالاردىڭ بٸرٸنٸڭ دەپۋتاتتىققا كانديداتتار تٸزٸمٸنەن كٶرٸندٸ, دەپ حابارلايدى dalanews.kz.
ايجان ايماعانوۆا ەلەۋمەتتٸك جەلٸلەردە ٶزٸنٸڭ پارتييا اتىنان مەجٸلٸس دەپۋتاتتىعىنا كانديدات رەتٸندە ۇسىنىلعانى تۋرالى اقپاراتتىڭ كەڭٸنەن تالقىلانىپ جاتقانىن ايتىپ, بۇل مەسەلەگە قاتىستى پٸكٸر بٸلدٸردٸ.
ونىڭ ايتۋىنشا, پروكۋراتۋرا ورگاندارىندا ۇزاق جىلدار بويى قىزمەت ەتٸپ, زاڭنىڭ ٷستەمدٸگٸن قامتاماسىز ەتۋگە, مەملەكەتكە قىزمەت ەتۋگە جەنە ازاماتتاردىڭ قۇقىقتارىن قورعاۋعا كٷش سالعان. ال دەپۋتاتتىققا كانديدات رەتٸندە ۇسىنىلۋىنا بايلانىستى پروكۋراتۋراداعى قىزمەتٸنەن كەتكەنٸن مەلٸمدەدٸ.
«بۇل – زاڭ تالاپتارى. مەن ونى تولىق ورىندادىم», – دەدٸ ايماعانوۆا.
سونداي-اق ول بۇل شەشٸمدٸ سانالى تٷردە قابىلداعانىن اتاپ ٶتٸپ, ٶزٸنە قولداۋ بٸلدٸرگەن جەنە جاعدايعا بەيجاي قاراماعان بارشا ازاماتقا العىس ايتتى.
ايجان ايماعانوۆا كەسٸبي تەجٸريبەسٸ مەن جيناعان بٸلٸمٸ زاڭ شىعارۋ ٸسٸندە جەنە حالىقتى تولعاندىرعان ٶزەكتٸ مەسەلەلەردٸ شەشۋدە تيٸمدٸ بولادى دەپ سەنەتٸنٸن جەتكٸزدٸ. سونىمەن قاتار الداعى ۋاقىتتا اتقارىلار جۇمىس كٶپ ەكەنٸن ايتىپ, قوعاممەن اشىق ديالوگ جٷرگٸزۋگە دايىن ەكەنٸن مەلٸمدەدٸ.
