Aijan Aimaǵanova prokýratýradaǵy qyzmetinen ketti. Onyń esimi saiasi partiialardyń biriniń depýtattyqqa kandidattar tiziminen kórindi, dep habarlaidy dalanews.kz.
Aijan Aimaǵanova áleýmettik jelilerde óziniń partiia atynan Májilis depýtattyǵyna kandidat retinde usynylǵany týraly aqparattyń keńinen talqylanyp jatqanyn aityp, bul máselege qatysty pikir bildirdi.
Onyń aitýynsha, prokýratýra organdarynda uzaq jyldar boiy qyzmet etip, zańnyń ústemdigin qamtamasyz etýge, memleketke qyzmet etýge jáne azamattardyń quqyqtaryn qorǵaýǵa kúsh salǵan. Al depýtattyqqa kandidat retinde usynylýyna bailanysty prokýratýradaǵy qyzmetinen ketkenin málimdedi.
«Bul – zań talaptary. Men ony tolyq oryndadym», – dedi Aimaǵanova.
Sondai-aq ol bul sheshimdi sanaly túrde qabyldaǵanyn atap ótip, ózine qoldaý bildirgen jáne jaǵdaiǵa beijai qaramaǵan barsha azamatqa alǵys aitty.
Aijan Aimaǵanova kásibi tájiribesi men jinaǵan bilimi zań shyǵarý isinde jáne halyqty tolǵandyrǵan ózekti máselelerdi sheshýde tiimdi bolady dep senetinin jetkizdi. Sonymen qatar aldaǵy ýaqytta atqarylar jumys kóp ekenin aityp, qoǵammen ashyq dialog júrgizýge daiyn ekenin málimdedi.
