بيىلعى 10 ايدا قازاقستانعا قحر-دان 122 مىڭنان استام تۋريست كەلگەن. بۇل - 2023 جىلمەن سالىستىرعاندا 64% كوپ كولەم، دەپ حابارلايدى Dalanews.kz.
تۋريزم يندۋسترياسى كوميتەتى (تيك) باسپا ءسوز قىزمەتىنىڭ مالىمەتىنشە، جۇڭگو قازاقستان ءۇشىن نەگىزگى تۋريستىك ماقساتتى نارىقتاردىڭ ءبىرى سانالادى. بىلتىر قاراشادا قازاقستان مەن جۇڭگو ازاماتتارى ءۇشىن 30 كۇنتىزبەلىك كۇنگە دەيىن ءوزارا ۆيزاسىز رەجيم ەنگىزىلسە، بيىلدان باستاپ قازاقستان مەن جۇڭگو اراسىنداعى رەيستەر سانى ارتتى. قازىرگى تاڭدا قازاقستان – جۇڭگو باعىتى بويىنشا اپتاسىنا 44 رەيس ورىندالادى.
eQonaq جۇيەسىنىڭ دەرەكتەرى بويىنشا، بيىلعى 10 ايدا قازاقستانعا قحر-دان 122 مىڭنان استام تۋريست كەلگەن. بۇل 2023 جىلمەن سالىستىرعاندا 64% كوپ. بىلتىرعى 10 ايدا ەلىمىزدە 78 515 قىتايلىق تۋريست ساياحاتتاعان.
تيك مالىمەتىنشە، بۇگىندەرى قازاقستان بەيجىڭدەگى حالىقارالىق China Outbound Travel & Tourism تۋريستىك كورمەسىنە قاتىسىپ جاتىر. كورمەدەگى قازاقستان ستەندى ق ر تۋريزم جانە سپورت مينيسترلىگىنىڭ تاپسىرىسى بويىنشا Kazakh Tourism ۇك اق جانە الماتى وبلىسى تۋريزم باسقارماسى قازاقستاننىڭ قحر-داعى ەلشىلىگىنىڭ قولداۋىمەن ۇيىمداستىرۋدا.
"ۇلتتىق ستەندتە قازاقستاننىڭ تۋريزم الەۋەتىن 21 تۋريستىك سالا وكىلى تانىستىرادى. ولاردىڭ قاتارىندا 12 تۋروپەراتور، 7 قوناق ءۇي جانە دەمالىس ورىندارى بار. قازاقستان الەۋەتى زور تۋريستىك باعىت رەتىندە حالىقارالىق تانىمالدىلىققا يە بولىپ كەلەدى. ەلىمىزدىڭ تۋريستىك مۇمكىندىكتەرى China Media Group، Dragon Trail جانە باسقا دا جەتەكشى حالىقارالىق پلاتفورمالاردا جاھاندىق اۋديتوريانىڭ نازارىن اۋدارۋدا"، دەلىنگەن رەسمي حابارلامادا.
كورمە اياسىندا Outbound Tourism Investment & Development Forum ءىس-شاراسىندا قازاقستاننىڭ ينۆەستيسيالىق الەۋەتىن تانىستىرۋ جوسپارلانعان.
