مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى ەل دامۋىنىڭ نەگىزگى باعىتتارىن ايقىندايتىن قازاقستان حالقىنا جولداۋىن جاريالادى.
«ادام بالاسى ادام بالاسىنان اقىل، عىلىم، ار، مىنەز دەگەن نارسەلەرمەن وزادى» - دەپ حاكىم اباي ايتقانداي، ۋنيۆەرسيتەتىمىزدىڭ ميسسياسى وزىق ادىستەمەلەر، ۇلتتىق مۇرا جانە الەمدىك تاسىلدەر نەگىزىندە زاماناۋي ءبىلىم بەرۋ قاجەتتىلىكتەرىن الدىن الا بولجايتىن پەداگوگتەردى دايارلاۋ بولىپ تابىلادى. مەملەكەت باسشىسىنىڭ جولداۋىنداعى «ۇستازدار – ۇلتتىڭ زياتكەرلىك قۋاتى. ولار ءبىلىمدى ۇرپاق تاربيەلەۋ ارقىلى ەلىمىزدىڭ وركەندەۋىنە جول اشادى» - دەمەكشى، مەكتەپتەگى ءبىلىم بەرۋ ساپاسى – مۇعالىمدەردى دايارلايتىن پەداگوگيكالىق جوعارى وقۋ ورىندارىنىڭ كوشباسشىسى – اباي ۋنيۆەرسيتەتىنە دە تىكەلەي قاتىستى. بيىل 6000-عا جۋىق ستۋدەنت اباي ۋنيۆەرسيتەتىن تاڭدادى، ونىڭ ىشىندە 4000-عا جۋىعى مەملەكەتتىك گرانت يەگەرى. ۋنيۆەرسيتەتىمىزدە پەداگوگيكالىق ماماندىقتارعا ۇلتتىق ءبىرىڭعاي تەستىلەۋدەن 80 باللدان جوعارى جيناعان تالاپتى، قابىلەتتى تالاپكەرلەر عانا قابىلداندى. بۇل ساننان ساپاعا كوشۋدىڭ ايقىن دالەلى.
جولداۋدىڭ بەسىنشى باعىتىندا «يننوۆاسيالىق ساياساتتى ەلىمىزدىڭ عىلىمي-تەحنولوگيالىق باسىمدىقتارىمەن ۇيلەستىرۋ قاجەت. مۇنداي قادام ءار سالاداعى يننوۆاسياعا سەرپىن بەرەدى. سونداي-اق جوعارى وقۋ ورىندارىنداعى قولدانبالى عىلىمنىڭ الەۋەتىن ارتتىرادى» - دەلىنگەن. ەلىمىزدىڭ كادرلىق الەۋەتىن ارتتىرۋ ىسىندە جوعارى جانە جوعارى وقۋ ورنىنان كەيىنگى ءبىلىم بەرۋ جۇيەسى دە وتە ماڭىزدى ءرول اتقارۋدا. عىلىم – كەز كەلگەن ەلدىڭ تىرەگى، ادامزات دامۋىنىڭ سەرپىنى بولىپ تابىلادى. ءبىلىم مەن عىلىمنىڭ قارا شاڭىراعى اباي ۋنيۆەرسيتەتىنىڭ دامۋ باعدارلاماسىنا سايكەس 2029 جىلعا دەيىن ۋنيۆەرسيتەت پەداگوگيكالىق زەرتتەۋ ۋنيۆەرسيتەتىنە ترانسفورماسيالانۋ جوسپارلانۋدا. ۋنيۆەرسيتەتتىڭ جوعارى عىلىمي كادرلىق الەۋەتى وسى ماقساتقا جەتۋ ءۇشىن عىلىمي زەرتتەۋ جۇمىستارىن قارقىندى جۇرگىزۋدە. ۋنيۆەرسيتەتتە عىلىمي جوبالاردى قارجىلاندىرۋ جىل سايىن ارتىپ كەلەدى. ماسەلەن، 2023 جىلى ءوسىم وتكەن جىلمەن سالىستىرعاندا 51% قۇرادى، ال 2024 جىلى قارجىلاندىرۋ 31%-عا ءوستى. بۇل رەتتە پروفەسسور وقىتۋشى قۇرامىنىڭ جوبالارعا قاتىسۋ ۇلەسى شامامەن 47% قۇرايدى (317 پوق، ونىڭ ىشىندە 70-تەن استامى جاس عالىمدار). 2024 جىلى ق ر عجبم قارجىلاندىراتىن جالپى سوماسى 1،690 ملرد تەڭگەگە 72 عىلىمي جوبا، ونىڭ ىشىندە 1،3 ملرد تەڭگەگە 68 گرانتتىق قارجىلاندىرۋ جوباسى جانە 478،1 ملن تەڭگەگە 4 باعدارلامالىق-نىسانالى قارجىلاندىرۋ جوباسى جۇزەگە اسىرىلۋدا.
سونىمەن قاتار، جالپى سوماسى 350 ملن تەڭگەگە عىلىمي جانە عىلىمي-تەحنيكالىق قىزمەت ناتيجەلەرىن كوممەرسيالاندىرۋ بويىنشا 1 جوبا ىسكە اسىرىلۋدا. جەكەمەنشىك كومپانيامەن عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى جۇرگىزۋگە كەلىسىم-شارت جاسالدى. بۇل جوبا – قازاقستاندا يننوۆاسيالىق ءوندىرىستى قۇرۋ باعىتىنداعى عىلىم مەن ءوندىرىستىڭ تابىستى ينتەگراسياسىنىڭ جارقىن ايعاعى.
جىل سايىن ۋنيۆەرسيتەت جاس عالىمداردى، پروفەسسورلىق-وقىتۋشىلار قۇرامىن جانە قىزمەتكەرلەردى قولداپ، ولاردىڭ پەرسپەكتيۆالىق يدەيالارىن دامىتۋعا ءوز بيۋدجەتىنەن قاراجات بولەدى. جالپى سومماسى 145 ملن تەڭگەنى قۇرايتىن 32 جوبا ۋنيۆەرسيتەتتىڭ ءوز قاراجاتى ەسەبىنەن ىسكە اسىرىلۋىن ماقتانىشپەن ايتا الامىز (ول جاس زەرتتەۋشىلەرگە ارنالعان جوبالار، حالىقارالىق جانە رەسپۋبليكالىق عزي-مەن ينتەگراسيالىق جوبالار).
عىلىمي-زەرتتەۋ جۇمىستارىنىڭ ساپاسىن قامتاماسىز ەتۋدە جوعارى تيىمدىلىكتى كورسەتەتىن، سونداي-اق ۋنيۆەرسيتەتتىڭ وتاندىق جانە حالىقارالىق ءعىلىمي-بىلىم بەرۋ كەڭىستىگىندەگى ءيميدجىن ارتتىرۋعا ىقپال ەتەتىن پوستدوكتورانتۋرا جانە زەرتتەۋشى-پروفەسسور باعدارلاماسى اباي ۋنيۆەرسيتەتىندە 2019 جىلدان باستاپ ىسكە اسىرىلۋدا. بۇگىندە باعدارلاما ءوز جەمىسىن بەرۋدە، پوستدوكتورانتتارىمىز بەن زەرتتەۋشى-پروفەسسور عالىمدارىمىز ق ر عجبم قارجىلاندىراتىن عىلىمي جوبالار مەن حالىقارالىق جوبالاردىڭ جەتەكشىلەرى مەن ورىنداۋشىلارى.
اباي ۋنيۆەرسيتەتىنىڭ عالىمدارى وزدەرىن الەمدىك دەڭگەيدە دە سەنىمدى تۇردە تانىتۋدا: حالىقارالىق دەڭگەيدەگى عىلىمي باسىلىمدارداعى جاريالانىمدارىنىڭ سانى مەن ساپاسى ارتىپ كەلەدى. بۇگىنگى تاڭدا ۋنيۆەرسيتەت ۇجىمى زاماناۋي تەحنولوگيالاردى باتىل ەنگىزە وتىرىپ، ءبىلىم مەن عىلىمنىڭ وزەكتى ماسەلەلەرىن شەشۋگە بەلسەنە اتسالىسىپ، جاڭا مىندەتتەر قويىپ، ونى ۋنيۆەرسيتەت پەن ەل يگىلىگى ءۇشىن جۇزەگە اسىرۋدا.
عزج جانە عىلىمي كادرلاردى دايارلاۋ
باسقارماسىنىڭ باستىعى گ.بايمبەتوۆا
