بٷگٸن وبلىس ەكٸمٸ نۇرلىبەك نەلٸباەۆتىڭ قاتىسۋىمەن ٶنەر ورتالىعىندا "التىن كٷز-2025" سالتاناتتى شاراسى ٶتتٸ. وعان اباي وبلىسىنىڭ ەكٸمٸ بەرٸك ۋەلي, پارلامەنت سەناتى مەن مەجٸلٸسٸنٸڭ دەپۋتاتتارى, مەملەكەت جەنە قوعام قايراتكەرلەرٸ, قازاقستاننىڭ ەڭبەك ەرلەرٸ, عالىمدار, ٶنەر مايتالماندارى, رەسپۋبليكانىڭ بارلىق ٶڭٸرٸنەن كەلگەن وبلىستىق مەسليحات تٶراعالارى ارنايى قاتىستى, دەپ حابارلايدى Dalanews.kz.
ايماق باسشىسى اۋىل شارۋاشىلىعىندا اتقارىلعان جۇمىستارعا, اگروسالانىڭ الداعى باعىت-باعدارىنا توقتالىپ, قامبانى تولتىرىپ, بەرەكە مەن بٸرلٸكتٸڭ ٷلگٸسٸن كٶرسەتكەن ديقانداردى قۇتتىقتادى.
"پرەزيدەنتٸمٸز قاسىم-جومارت كەمەلۇلى 2025 جىلدى "جۇمىسشى ماماندىقتارى جىلى" دەپ جارييالاپ, «بٸز جۇمىسشى ماماندىقتارىن دەرٸپتەۋ ارقىلى قوعامدا ەڭبەكقور جەنە ناعىز مامان بولۋ يدەياسىن ناسيحاتتايمىز! ادال ەرٸ تاباندى ەڭبەگٸمەن تابىسقا جەتكەن ادامدار قاشاندا قۇرمەتتٸ, سىيلى بولۋى كەرەك» دەگەن بولاتىن.
«ادال ادام – ادال ەڭبەك – ادال تابىس» قاعيداتىن ۇرپاق ساناسىنا سٸڭٸرۋ, ناسيحاتتاۋ, قاراپايىم ەڭبەك ادامدارىن دەرٸپتەۋ – بٸزدٸڭ باستى ماقساتىمىزدىڭ بٸرٸ! سىر ەلٸنٸڭ داڭقىن اسقاقتاتقان دالا اكادەميگٸ ىبىراي جاقاەۆ باستاعان 102 سوتسياليستٸك ەڭبەك ەرٸنٸڭ جەنە تەۋەلسٸزدٸك جىلدارىنداعى قازاقستاننىڭ ەڭبەك ەرلەرٸنٸڭ جەتٸستٸكتەرٸ اڭىزعا اينالدى. سانالى عۇمىرىندا تۋعان جەرٸمٸز ٷشٸن ايانباي ەڭبەك ەتكەن ارداقتى ارداگەر اعالارىمىز بٷگٸن ورتامىزدا. وبلىسىمىزدىڭ دامۋىنا قوسقان وراسان زور ٷلەستەرٸڭٸز ٷشٸن سٸزدەرگە بارشا سىر جۇرتشىلىعىنىڭ اتىنان شىنايى العىسىمدى بٸلدٸرەمٸن. ەل ٷشٸن جاساعان ەرەن ەڭبەكتەرٸڭٸزدٸڭ جەمٸسٸن, بەينەتتەرٸڭٸزدٸڭ زەينەتٸن كٶرٸڭٸزدەر!», – دەدٸ نۇرلىبەك ماشبەكۇلى.
اباي وبلىسىنىڭ ەكٸمٸ بەرٸك ۋەلي سىر ەلٸنٸڭ ەڭبەكقور جۇرتىنا ريزاشىلىعىن بٸلدٸرٸپ, ەكٸ ٶڭٸر اراسىنداعى بايلانىستىڭ ودان ەرٸ نىعايا تٷسەتٸنٸنە سەنٸم بٸلدٸردٸ.
«قازاق حالقى تاعدىرىنىڭ تايعاق كەشۋلٸ كەزەڭدەرٸندە جاعاسىنا كەلٸپ تىنىس تاپقان, سۋىنا بەتٸن جۋىپ, ٷمٸتٸن ەرتەڭگە جالعاعان قاسيەتتٸ سىردارييانىڭ بويىندا, ەجەلگٸ اقمەشٸت, بٷگٸنگٸ قىزىلوردا تٶرٸندە ٶزدەرٸڭٸزبەن جٷزدەسٸپ وتىرعانىما بەك قۋانىشتىمىن! بٸز بٷگٸن ايماقتارىڭىزعا ٷلكەن دەلەگاتسييامەن ٶنەر جۇلدىزدارىن, زييالى قاۋىم ٶكٸلدەرٸن جەنە جاقىندا عانا رەسپۋبليكالىق بايقاۋدا باس جٷلدە العان تەاترىمىزدىڭ ارنايى قويىلىمىمەن كەلٸپ وتىرمىز. بۇل ٶڭٸرارالىق رۋحاني-مەدەني بايلانىستاردى نىعايتىپ, بٸزدٸ باۋىرلاستىرا تٷسەدٸ دەپ سەنەمٸز», – دەدٸ بەرٸك ۋەليۇلى.
مەرەكەلٸك شارادا قىزىلوردا وبلىسىنىڭ ەلەۋمەتتٸك-ەكونوميكالىق دامۋىنا ەلەۋلٸ ٷلەس قوسقان ازاماتتار ماراپاتتالدى. «جان اراي» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ديرەكتورى باقدەۋلەت ماحاشوۆقا «قىزىلوردا وبلىسىنىڭ قۇرمەتتٸ ازاماتى» اتاعى بەرٸلدٸ. ول باسقاراتىن سەرٸكتەستٸك تەۋلٸگٸنە 80 توننا قۇراما جەم ٶندٸرۋ, كٷرٸش ٶڭدەۋ زاۋىتتارىن ٸسكە قوسقان, ٶنٸمدەرٸن ەكسپورتقا شىعارادى. ٶتكەن جىلى 4 مىڭ توننالىق كٶكٶنٸس ساقتاۋ قويماسىن اشىپ, 100-دەن استام ادامدى تۇراقتى جۇمىسپەن قامتىدى.
ەڭبەك ادامدارى مەن سالا ٷزدٸكتەرٸنە «قىزىلوردا وبلىسىنىڭ دامۋىنا قوسقان ٷلەسٸ ٷشٸن», اۋىل شارۋاشىلىعى مينيسترلٸگٸنٸڭ «ەڭبەك ارداگەرٸ» مەدالدارى, «اۋىل شارۋاشىلىعى سالاسىنىڭ ٷزدٸگٸ» تٶسبەلگٸسٸ, قىزىلوردا وبلىسىنىڭ قۇرمەت گراموتاسى مەن وبلىس ەكٸمٸنٸڭ العىس حاتتارى بەرٸلدٸ.
سالتاناتتى شارادا اۋىل شارۋاشىلىعى سالاسىندا ٷزدٸك جەتٸستٸكتەرگە جەتكەن وزات اۋداندار انىقتالىپ, «بالىق شارۋاشىلىعى سالاسى بويىنشا وزات اۋدان» نوميناتسيياسىمەن ارال اۋدانى, «سۋ ٷنەمدەۋ تەحنولوگيياسىن قولدانۋ بويىنشا وزات اۋدان» نوميناتسيياسىمەن جاڭاقورعان اۋدانى, «اۋىل شارۋاشىلىعى سالاسىنا ينۆەستيتسييا تارتۋ بويىنشا وزات اۋدان» نوميناتسيياسىمەن جالاعاش اۋدانى, «مال شارۋاشىلىعى سالاسى بويىنشا وزات اۋدان» نوميناتسيياسىمەن قارماقشى اۋدانى, «اۋىل شارۋاشىلىعى ٶنٸمدەرٸن ٶڭدەۋ سالاسى بويىنشا وزات اۋدان» نوميناتسيياسىمەن قازالى اۋدانى, «ەگٸن شارۋاشىلىعى سالاسى بويىنشا وزات اۋدان» نوميناتسيياسىمەن سىردارييا اۋدانى ماراپاتتالادى.
ال «اگروٶنەركەسٸپ كەشەنٸن دامىتۋدا بيىلعى جىلى ەڭ جوعارعى كٶرسەتكٸشتەرگە قول جەتكٸزگەن ٷزدٸك اۋدان» نوميناتسيياسىن شيەلٸ اۋدانى جەڭٸپ الدى.
جىلداعى دەستٷر بويىنشا جوعارى كٶرسەتكٸشتەرگە قول جەتكٸزگەن «ابزال جەنە ك» تس, «ماعجان جەنە ك», «اباي-دەۋلەت» جشس ەڭبەك وزاتتارىنا اۆتوكٶلٸك كٸلتتەرٸ سىيعا بەرٸلدٸ.
