دەپۋتاتتار ەرمۇرات باپي مەن رينات زايىتوۆ نۇربول نازارباەۆتىڭ ەرەكەتتەرٸن تەكسەرۋدٸ سۇراپ, باس پروكۋرورعا ساۋال جولداعان ەدٸ. ولاردىڭ سۇراۋىنا جاۋاپ بەرگەن باس پروكۋرور بەرٸك اسىلوۆ قۋات ەرمەنتاەۆتىڭ ارىزى نەگٸزٸندە قوسىمشا تەرگەۋ باستالعانىن راستادى, دەپ حابارلايدى Dalanews.kz.
اسىلوۆتىڭ مەلٸمەتٸنشە, الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ قۋات ەرمەنتاەۆقا تيەسٸلٸ «PORUS» جشس-نٸڭ جارعىلىق كاپيتالىنىڭ 16 پايىزدىق ٷلەسٸن زاڭسىز قايتا تٸركەۋ فاكتٸسٸ بويىنشا تەرگەۋ جٷرگٸزگەن. بۇل ٸس قىلمىستىق كودەكستٸڭ 249-بابىنىڭ 1-بٶلٸگٸ بويىنشا قوزعالعان.
2024 جىلدىڭ 22 اقپانىندا قىلمىس قۇرامى تابىلماعاندىقتان ٸس توقتاتىلعان. الايدا بيىل 9 قازاندا سوتقا دەيٸنگٸ ماتەريالداردى قايتا زەردەلەۋ جەنە ەرمەنتاەۆ كەلتٸرگەن جاڭا دەلەلدەر نەگٸزٸندە بۇل شەشٸمنٸڭ كٷشٸ جويىلىپ, قوسىمشا تەرگەۋ باستالعان.
«قازٸر الماتى قالاسى بويىنشا ەتد كەلتٸرٸلگەن فاكتٸلەردٸ جان-جاقتى جەنە وبەكتيۆتٸ تەكسەرۋگە باعىتتالعان قوسىمشا تەرگەۋ ەرەكەتتەرٸن جٷرگٸزٸپ جاتىر. تەرگەۋ بارىسى پروكۋراتۋرا ورگاندارىنىڭ تۇراقتى باقىلاۋىندا», – دەپ مەلٸمدەدٸ باس پروكۋراتۋرا.
دەپۋتات ەرمۇرات باپي بۇعان دەيٸن باس پروكۋرورعا جولداعان ساۋالىندا قۋات ەرمەنتاەۆتىڭ «نۇربول نازارباەۆ تاراپىنان جاسالعان قىسىم مەن رەيدەرلٸك ەرەكەتتەن كەيٸن بار مٷلكٸنەن ايىرىلىپ قالعانىن» ايتقان بولاتىن. ونىڭ سٶزٸنشە, ەرمەنتاەۆ ەدٸلدٸك سۇراپ, ٶز بيزنەسٸن قايتارۋدى ٶتٸنگەن.
ەسكە سالا كەتسەك, جۋىردا بولات نازارباەۆتىڭ ۇلى نۇربول نازارباەۆ ٶزٸن بانكروت دەپ تانۋ تۋرالى سوتقا ارىز تٷسٸرگەنٸ حابارلانعان ەدٸ.
