قۇتتىقتاۋ حاتىنىڭ ءماتىنى ۇيىمنىڭ رەسمي سايتىندا جاريالاندى.
قۇرمەتتى وتانداستار!
قازاقستان حالقى اسسامبلەياسى cىزدەردى مەملەكەتتىك مەرەكە – قازاقستان رەسپۋبليكاسىنىڭ كونستيتۋسياسى كۇنىمەن قۇتتىقتايدى!
اتا زاڭىمىز – قازاقستان حالقىنىڭ ەركىندىگىنىڭ جانە ەلىمىزدىڭ ەڭ قىمبات قازىناسى ادام، ونىڭ ءومىرى، قۇقىقتارى مەن بوستاندىعى بولىپ تابىلاتىن دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە قالىپتاسقاندىعىنىڭ كورىنىسى.
بيىل بۇل مەرەكە تاۋەلسىزدىكتىڭ 30 جىلدىق مەرەيتويىمەن استاسىپ، ەرەكشە سيمۆوليزم مەن تەرەڭ ماعىناعا يە بولىپ وتىر.
قازىرگى تاۋەلسىز قازاقستاننىڭ العان اسۋلارى، ءمىنسىز مەملەكەتتىك قۇرىلىمى، اشىق نارىقتىق ەكونوميكاسى، بۇكىل الەم مويىنداپ وتىرعان بەيبىتشىل ساياساتى – ءبىزدىڭ كونستيتۋسيانىڭ قول جەتكىزگەن تاريحي ناتيجەسى ەكەنى داۋسىز.
كونستيتۋسيا جالپىۇلتتىق بىرلىكتى، ەتنوستار اراسىنداعى تاتۋلىقتى، دوستىق پەن كەلىسىمدى نىعايتۋ جونىندەگى مەملەكەت پەن قوعام جۇمىسىنىڭ ىرگەلى نەگىزدەرىن ايقىنداپ، ەتنوستىق قاتىستىلىعىنا قاراماستان ازاماتتاردىڭ قۇقىقتارىن بەكىتىپ، تەڭ مۇمكىندىكتەرىن قامتاماسىز ەتەتىنىن اتاپ ءوتۋ ماڭىزدى.
بۇل پوستۋلاتتاردىڭ بارلىعى ەلىمىزدىڭ قارىشتى دامۋىنىڭ نەگىزىنە اينالدى، بارلىق جوسپارلانعان رەفورمالاردى بىرلەسە تابىستى جۇزەگە اسىرۋعا مۇمكىندىك بەردى.
ارداقتى اعايىن!
ءبىز اتا زاڭىمىزدا ايتىلعان مەملەكەتتىلىكتىڭ قازاقستاندىق نەگىزدەرى مەن ازاماتتىق قاعيداتتارىمىزدى قورعاۋعا جانە تابىستى دامۋدىڭ، بىرلىك پەن كەلىسىمدى نىعايتۋدىڭ كەپىلى رەتىندە ونىڭ نورمالارىنىڭ مۇلتىكسىز ورىندالۋىن قامتاماسىز ەتۋگە شاقىرامىز.
كونستيتۋسيا كۇنى ءارقاشان ءپاتريوتيزمنىڭ سيمۆولى جانە وتانعا دەگەن سۇيىسپەنشىلىگىمىزدىڭ جارقىن كورىنىسى بولسىن!
بارشاڭىزعا مىقتى دەنساۋلىق، تابىس، ىنتىماق جانە باق-بەرەكە تىلەيمىز!
قازاقستان حالقى اسسامبلەياسى
