Quttyqtaý hatynyń mátini uiymnyń resmi saitynda jariialandy.
Qurmetti otandastar!
Qazaqstan halqy Assambleiasy cizderdi memlekettik mereke – Qazaqstan Respýblikasynyń Konstitýtsiiasy kúnimen quttyqtaidy!
Ata Zańymyz – Qazaqstan halqynyń erkindiginiń jáne elimizdiń eń qymbat qazynasy adam, onyń ómiri, quqyqtary men bostandyǵy bolyp tabylatyn demokratiialyq, zaiyrly, quqyqtyq jáne áleýmettik memleket retinde qalyptasqandyǵynyń kórinisi.
Biyl bul mereke Táýelsizdiktiń 30 jyldyq mereitoiymen astasyp, erekshe simvolizm men tereń maǵynaǵa ie bolyp otyr.
Qazirgi táýelsiz Qazaqstannyń alǵan asýlary, minsiz memlekettik qurylymy, ashyq naryqtyq ekonomikasy, búkil álem moiyndap otyrǵan beibitshil saiasaty – bizdiń Konstitýtsiianyń qol jetkizgen tarihi nátijesi ekeni daýsyz.
Konstitýtsiia jalpyulttyq birlikti, etnostar arasyndaǵy tatýlyqty, dostyq pen kelisimdi nyǵaitý jónindegi memleket pen qoǵam jumysynyń irgeli negizderin aiqyndap, etnostyq qatystylyǵyna qaramastan azamattardyń quqyqtaryn bekitip, teń múmkindikterin qamtamasyz etetinin atap ótý mańyzdy.
Bul postýlattardyń barlyǵy elimizdiń qaryshty damýynyń negizine ainaldy, barlyq josparlanǵan reformalardy birlese tabysty júzege asyrýǵa múmkindik berdi.
Ardaqty aǵaiyn!
Biz Ata Zańymyzda aitylǵan memlekettiliktiń qazaqstandyq negizderi men azamattyq qaǵidattarymyzdy qorǵaýǵa jáne tabysty damýdyń, birlik pen kelisimdi nyǵaitýdyń kepili retinde onyń normalarynyń múltiksiz oryndalýyn qamtamasyz etýge shaqyramyz.
Konstitýtsiia kúni árqashan patriotizmniń simvoly jáne Otanǵa degen súiispenshiligimizdiń jarqyn kórinisi bolsyn!
Barshańyzǵa myqty densaýlyq, tabys, yntymaq jáne baq-bereke tileimiz!
Qazaqstan halqy Assambleiasy
