جەتٸسۋدى دامىتۋدا اۋىل شارۋاشىلىعى تاۋارلارىن ٶڭدەۋ, ٶندٸرٸستٸ ٶركەندەتۋ, تۋريزم, تسيفرلاندىرۋ باعىتتارىنا باسىمدىق بەرٸلەدٸ. بۇل تۋرالى وبلىس ەكٸمٸ بەيبٸت يساباەۆ «Jetisy» تەلەارناسى ستۋديياسىندا وبلىستىق باق ٶكٸلدەرٸنە بەرگەن كەڭەيتٸلگەن سۇحباتى بارىسىندا ايتتى,- دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جۋرناليستٸڭ ٶتكەن جىلدىڭ قورىتىندىسى جەنە الداعى جوسپارلار تۋرالى سۇراعىنا جاۋاپ بەرۋ بارىسىندا وبلىس باسشىسى نەگٸزگٸ ەلەۋمەتتٸك ەكونوميكالىق ينديكاتورلار بويىنشا جەتٸسۋ وبلىسى رەسپۋبليكادا ٶتكەن جىلى 2-شٸ ورىنعا يە بولعانىن اتاپ ٶتتٸ.
"ەلەۋمەتتٸك ەكونوميكالىق قىسقا مەرزٸمدە ينديكاتور 114,8 % قۇرادى. ال ەكونوميكالىق ٶسٸم 9-10%-دىڭ كٶلەمٸندە بولادى كٷتٸلۋدە, ونىڭ قورىتىندىلارى الداعى ناۋرىز ايىندا شىعادى. ٶتكەن جىلى ٶندٸرٸس كٶلەمٸ 3,4%-عا, اۋىلشارۋاشىلىعى 3%-عا, ساۋدا 1,2 ەسەگە, قۇرىلىس 1,5 ەسەگە ٶستٸ, تۇرعىن ٷيدٸ بەرۋ 15%-عا ٶستٸ. وبلىس ەكونوميكاسىنا ينۆەستيتسييا تارتۋ 1,4 ەسەگە ۇلعايدى, سونىڭ ٸشٸندە جەكە ينۆەستيتسييانىڭ كٶلەمٸ 1,7 ەسەگە ٶستٸ", - دەگەن ب.يساباەۆ بۇل وبلىس حالقىنىڭ ورتاق ەڭبەگٸنٸڭ جەمٸسٸ ەكەنٸن اتاپ ٶتٸپ, ٶڭٸر تۇرعىندارىنا العىسىن بٸلدٸردٸ.
بيىلعى جىلى دا وسى قارقىندى جوعالتپاي, بەلگٸلەنگەن جوسپارلارعا قول جەتكٸزۋ مەجەلەنٸپ وتىر. وسى ورايدا وبلىس ەكٸمٸ ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ايقىنداپ بەرگەن نەگٸزگٸ 8 باسىمدىققا سەيكەس ٶڭٸردٸڭ الدىندا تۇرعان باستى مٸندەتتەرٸن سانامالاپ بەردٸ.
بٸرٸنشٸدەن, اۋىل شارۋاشىلىعى تاۋارلارىن ٶڭدەۋ ٶندٸرٸسٸن قارقىندى جٷرگٸزٸلەدٸ. مەسەلەن, وبلىستا قۇس فابريكاسىن جەنە جٷگەرٸ ٶڭدەيتٸن زاۋىت سالۋ تۋرالى ينۆەستورلارمەن جۇمىس جٷرگٸزٸلٸپ جاتىر. جالپى ٶڭٸردە ٶندٸرٸلەتٸن قانت قىزىلشاسى, جٷگەرٸ, بيداي, ەت, سٷت سيياقتى اۋىل شارۋاشىلىعى تاۋارلارىنىڭ 65%-ى ٶزٸمٸزدە ٶڭدەلەدٸ.
ەكٸنشٸ باعىت - ٶندٸرٸستٸ دامىتۋ, لايىقتى جالاقىسى بار جاڭا جۇمىس ورىندارىن اشۋ. بۇل ورايدا وبلىستا بٸرنەشە ٶندٸرٸستٸك جوبالار جوسپارلانىپ وتىر.
ٷشٸنشٸسٸ – تۋريزم سالاسى. ٶڭٸردەگٸ الاكٶل, بالقاش كٶلدەرٸ, جوڭعار الاتاۋى – جالپى جەتٸسۋدىڭ تابيعاتى تۋريزمدى دامىتۋعا ٷلكەن سەپتٸگٸن تيگٸزەدٸ. بۇل رەتتە ينفراقۇرىلىمدى دامىتۋعا ەرەكشە نازار اۋدارىلۋدا.
تٶرتٸنشٸ باعىت – تسيفرلاندىرۋ اياسىندا دا ەكونوميكانىڭ تٷرلٸ سالالارىندا بٸرقاتار جاڭا جوبالار جوسپارلانىپ, قولعا الىنۋدا.
ٶز سٶزٸندە بەيبٸت يساباەۆ وسى نەگٸزگٸ باسىمدىقتارمەن قاتار باسقا سالالار دا نازاردان تىس قالمايتىنىن جەتكٸزدٸ.
"ەل پرەزيدەنتٸ قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا 8 نەگٸزگٸ باعىتتاردى اتاپ كٶرسەتٸپ, ناقتى تاپسىرمالار بەردٸ. ودان كەيٸن بٸز ٸلە-شالا وبلىستا وبلىستىق ەكٸمدٸكتٸڭ كەڭەيتٸلگەن مەجٸلٸسٸن ٶتكٸزدٸك. اتالعان مٸندەتتەردٸ ورىنداۋ ماقساتىندا ٸشكٸ مٷمكٸندٸكتەرٸمٸزدٸ سارالاپ, ناقتى ٸس-شارالار جوسپارىن بەكٸتتٸك. مٸندەتٸمٸز ايقىن, مەجەمٸز بەلگٸلٸ. ەندٸ سول باعىتتا جۇمىس جٷرگٸزٸپ جاتىرمىز", - دەدٸ ب. يساباەۆ.
