Jetisýdy damytýda aýyl sharýashylyǵy taýarlaryn óńdeý, óndiristi órkendetý, týrizm, tsifrlandyrý baǵyttaryna basymdyq beriledi. Bul týraly oblys ákimi Beibit Isabaev «Jetisy» telearnasy stýdiiasynda oblystyq BAQ ókilderine bergen keńeitilgen suhbaty barysynda aitty,- dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Jýrnalistiń ótken jyldyń qorytyndysy jáne aldaǵy josparlar týraly suraǵyna jaýap berý barysynda oblys basshysy negizgi áleýmettik ekonomikalyq indikatorlar boiynsha Jetisý oblysy respýblikada ótken jyly 2-shi orynǵa ie bolǵanyn atap ótti.
"Áleýmettik ekonomikalyq qysqa merzimde indikator 114,8 % qurady. Al ekonomikalyq ósim 9-10%-dyń kóleminde bolady kútilýde, onyń qorytyndylary aldaǵy naýryz aiynda shyǵady. Ótken jyly óndiris kólemi 3,4%-ǵa, aýylsharýashylyǵy 3%-ǵa, saýda 1,2 esege, qurylys 1,5 esege ósti, turǵyn úidi berý 15%-ǵa ósti. Oblys ekonomikasyna investitsiia tartý 1,4 esege ulǵaidy, sonyń ishinde jeke investitsiianyń kólemi 1,7 esege ósti", - degen B.Isabaev bul oblys halqynyń ortaq eńbeginiń jemisi ekenin atap ótip, óńir turǵyndaryna alǵysyn bildirdi.
Biylǵy jyly da osy qarqyndy joǵaltpai, belgilengen josparlarǵa qol jetkizý mejelenip otyr. Osy oraida oblys ákimi Úkimettiń keńeitilgen otyrysynda Memleket basshysy Qasym-Jomart Toqaev aiqyndap bergen negizgi 8 basymdyqqa sáikes óńirdiń aldynda turǵan basty mindetterin sanamalap berdi.
Birinshiden, aýyl sharýashylyǵy taýarlaryn óńdeý óndirisin qarqyndy júrgiziledi. Máselen, oblysta qus fabrikasyn jáne júgeri óńdeitin zaýyt salý týraly investorlarmen jumys júrgizilip jatyr. Jalpy óńirde óndiriletin qant qyzylshasy, júgeri, bidai, et, sút siiaqty aýyl sharýashylyǵy taýarlarynyń 65%-y ózimizde óńdeledi.
Ekinshi baǵyt - óndiristi damytý, laiyqty jalaqysy bar jańa jumys oryndaryn ashý. Bul oraida oblysta birneshe óndiristik jobalar josparlanyp otyr.
Úshinshisi – týrizm salasy. Óńirdegi Alakól, Balqash kólderi, Jońǵar Alataýy – jalpy Jetisýdyń tabiǵaty týrizmdy damytýǵa úlken septigin tigizedi. Bul rette infraqurylymdy damytýǵa erekshe nazar aýdarylýda.
Tórtinshi baǵyt – tsifrlandyrý aiasynda da ekonomikanyń túrli salalarynda birqatar jańa jobalar josparlanyp, qolǵa alynýda.
Óz sózinde Beibit Isabaev osy negizgi basymdyqtarmen qatar basqa salalar da nazardan tys qalmaitynyn jetkizdi.
"El Prezidenti Qasym-Jomart Toqaev Úkimettiń keńeitilgen otyrysynda 8 negizgi baǵyttardy atap kórsetip, naqty tapsyrmalar berdi. Odan keiin biz ile-shala oblysta oblystyq ákimdiktiń keńeitilgen májilisin ótkizdik. Atalǵan mindetterdi oryndaý maqsatynda ishki múmkindikterimizdi saralap, naqty is-sharalar josparyn bekittik. Mindetimiz aiqyn, mejemiz belgili. Endi sol baǵytta jumys júrgizip jatyrmyz", - dedi B. Isabaev.
