اباي وبلىسىنىڭ ەكٸمٸ بەرٸك ۋەلي وبلىستىق مەسليحات دەپۋتاتتارىمەن كەزدەستٸ. كەزدەسۋ بارىسىندا ٶڭٸردەگٸ ٶزەكتٸ مەسەلەلەر تالقىلانىپ, ايماقتىڭ دامۋىنا قاتىستى ۇسىنىس-پٸكٸرلەر ورتاعا سالىندى,- دەپ حابارلايدى Dalanews.kz
كەزدەسۋدە سٶز العان وبلىس ەكٸمٸ الدا اۋقىمدى مٸندەت تۇرعانىن, مەجەلەنگەن جوبا-جوسپارلار كٶپ ەكەنٸن, بۇل رەتتە مەسليحات پەن جەرگٸلٸكتٸ بيلٸكتٸڭ قويان-قولتىق جۇمىس ٸستەۋٸنٸڭ ماڭىزى زور ەكەنٸن اتاپ ٶتتٸ.
«شەكەرٸم اتامىزدىڭ «ادامدىق بورىشىڭ – حالقىڭا قىزمەت قىل» دەگەن تەرەڭ ماعىنالى سٶزٸ ەربٸرٸمٸزدٸڭ ازاماتتىق ۇستانىمىمىزعا اينالۋى تيٸس. بٷگٸنگٸ تاڭدا ٶڭٸرٸمٸز ٷشٸن جاۋاپكەرشٸلٸك جٷگٸ زور. «جۇمىلا كٶتەرگەن جٷك جەڭٸل» دەمەكشٸ, وبلىسىمىزدىڭ تۇراقتى دامۋىن قامتاماسىز ەتۋ – ورتاق پارىز. قازاق رۋحانيياتىنىڭ التىن بەسٸگٸ سانالعان, ەلٸمٸزدٸڭ تاريحي ورتالىعىنا اينالعان قاسيەتتٸ سەمەيدٸڭ ٶسٸپ-ٶركەندەۋٸنە بەرٸمٸز بٸرلەسە ٷلەس قوسۋىمىز قاجەت»,- دەدٸ ايماق باسشىسى.
وبلىس ەكٸمٸ ٶڭٸردە بۇعان دەيٸن باستالعان جۇمىستىڭ بارلىعى جالعاساتىنىن, ەسٸرەسە اۋىل شارۋاشىلىعى, ٶندٸرٸس, تۋريزم, كٶلٸك-لوگيستيكا سالالارىنا, ينۆەستيتسييا تارتۋعا, ينفراقۇرىلىمدىق جوبالارعا ەرەكشە كٶڭٸل بٶلٸنەتٸنٸن جەتكٸزدٸ. ايماقتىڭ تۋريستٸك ەلەۋەتٸن كٶتەرۋ ٷشٸن الداعى ۋاقىتتا تۋريزم باسقارماسى قۇرىلادى. وبلىستىڭ لوگيستيكالىق مٷمكٸندٸگٸن ارتتىرۋ ٷشٸن اينالما جولداردى سالۋعا باسىمدىق بەرٸلٸپ, «بەيتەرەك» ۇلتتىق باسقارۋشى حولدينگٸ, باسقا دا قۇرىلىمدار ارقىلى قارجى تارتۋعا دەن قويىلاتىنىن ايتتى.
دەپۋتاتتار ٶڭٸردٸڭ اۋىل شارۋاشىلىعىن كٶتەرۋگە, شاعىن قالالاردى دامىتۋعا, وبلىس ورتالىعىنداعى كٶشەلەردٸ اباتتاندىرۋعا, سەمەي سىناق پوليگونىنىڭ زارداپتارىن جويۋعا, اۋىلدارعا مەديتسينالىق مامانداردى تارتۋعا قاتىستى ۇسىنىس-پٸكٸرلەرٸن ورتاعا سالدى.
وبلىس ەكٸمٸ كەزدەسۋدەگٸ ۇسىنىس-پٸكٸرلەر ەسكەرٸلٸپ, قازٸر ەزٸرلەنٸپ جاتقان ٶڭٸردٸڭ ارنايى كەشەندٸ باعدارلاماسىنا ەنگٸزٸلەتٸنٸن اتاپ ٶتتٸ.
«ٶزدەرٸڭٸزبەن بٸرلەسٸپ قولعا الاتىن جۇمىس كٶپ. قازٸر شەت ەلدٸك, وتاندىق ينۆەستورلاردى شاقىرىپ, كٷندەلٸكتٸ قابىلداپ جاتىرمىن. سەمەيگە بەس جۇلدىزدى قوناقٷي سالۋ بويىنشا كەلٸسسٶز جٷرگٸزٸپ جاتىرمىز. العاشقى كەلٸسٸم بار. دەپۋتاتتاردىڭ اراسىندا كەسٸپكەرلەردٸڭ دە بار ەكەنٸن جاقسى بٸلەمٸن. سٸزدەردٸ سەمەي قالاسىنىڭ گٷلدەنۋٸنە, كٶركەيۋٸنە اتسالىسۋعا شاقىرامىن. بيزنەستٸڭ ەلەۋمەتتٸك جاۋاپكەرشٸلٸگٸ اياسىندا تۋعان جەردٸ تٷلەتۋگە ٷلەس قوسىڭىزدار. وبلىسىمىزدى بٸرلەسە ٶركەندەتەيٸك»,- دەدٸ وبلىس ەكٸمٸ.
