ٷكٸمەتتەگٸ بريفينگ بارىسىندا ٷكٸمەت باسشىسى ولجاس بەكتەنوۆكە كٶپتٸ, ەسٸرەسە كەسٸپكەرلەرٸن قاۋىمىن الاڭداتقان الداعى قوسىمشا قۇن سالىعىنا قاتىستى تاعى سۇراق قويىلدى. ول بۇل رەتتە بەندجامين فرانكليننٸڭ قاناتتى سٶزٸن العا تارتا وتىرىپ, سالىق مٶلشەرٸنٸڭ ارتۋى ەلدەگٸ ٸسكەرلٸك بەلسەندٸلٸك پەن بيزنەس كليماتقا كەرٸ ەسەر ەتپەۋٸ تيٸس ەكەنٸن جەتكٸزدٸ, دەپ حابارلايدى Dalanews.kz.
"جاڭا سالىق كودەكسٸ, ٶزدەرٸڭٸز بٸلەتٸندەي, قوسىمشا قۇن سالىعىن (ققس) 16%-عا دەيٸن ارتتىرۋدى قاراستىرادى. ەرينە, سالىقتى ارتتىرۋ دەگەنٸمٸز – حالىق ٷشٸن ٷنەمٸ جايسىز ەرٸ اۋىر شەشٸم, بٸراق ول – مەجبٷرلٸ شارا. اتالعان رەفورمانىڭ ارقاسىندا بيۋدجەتكە قوسىمشا تابىس تٷسەدٸ جەنە سونىڭ ەسەبٸنەن بٸز ەكونوميكانىڭ دامۋ قارقىنىن ارتتىراتىن بولامىز. ەكونوميكا دامۋى ٷشٸن, ەڭ الدىمەن, ساپالى ينفراقۇرىلىم قاجەت, ال ينفراقۇرىلىم بيۋدجەتتٸڭ قولداۋىنسىز قالىپتاسپايدى", - دەدٸ ول.
پرەمەر-مينيستردٸڭ ايتۋىنشا, قازٸر قازاقستانداعى بيۋدجەت دەڭگەيٸنٸڭ دامۋ ٷردٸسٸ ٶتە تٶمەن. ول ەكونوميكانىڭ ٶسۋٸنە ٸلەسە الماي جاتىر, سونىڭ سالدارىنان ەلدەگٸ ينفراقۇرىلىم تالاپقا ساي قارقىنمەن دامىماۋدا.
"جاڭا سالىق كودەكسٸ قابىلدانعاننان كەيٸن 2026 جىلدان باستاپ بيۋدجەتكە قوسىمشا كٸرٸس تٷسەدٸ. سونىڭ نەتيجەسٸندە دامىتۋ بيۋدجەتٸ قازٸرگٸ 8%-دىق دەڭگەيٸنەن 18%-عا دەيٸن ۇلعايادى. ياعني, بٸز دامۋ بيۋدجەتٸنٸڭ ٷلەسٸن ەكٸ ەسەدەن استام ارتتىرۋدى جوسپارلاپ وتىرمىز", – دەدٸ ولجاس بەكتەنوۆ.
ونىڭ پٸكٸرٸنشە, بۇل شارا ەكونوميكانىڭ تۇراقتى دامۋىن قامتاماسىز ەتۋگە مٷمكٸندٸك بەرەدٸ.
"ەرينە, سالىق كٶلەمٸنٸڭ ٶسٸمٸ ەشقاشان سىرتقى تاراپتان قولداۋعا يە بولعان ەمەس. بٸراق بۇل مەسەلەدە بيزنەس, مەملەكەت جەنە قوعام مٷددەلەرٸ اراسىندا تەپە-تەڭدٸك ۇستاۋ ٶتە ماڭىزدى. بەندجامين فرانكليننٸڭ "بۇل ٶمٸردە تەك ەكٸ نەرسەگە تالاس جوق – ٶلٸم مەن سالىق" دەگەن اتاقتى قاناتتى سٶزٸ بار عوي. ٶكٸنٸشكە قاراي, بٸزدەگٸ جاعداي سولاي. بٸز ٶز تاراپىمىزدان سالىق ٶسٸمٸ كەسٸپكەرلٸك بەلسەندٸلٸككە جەنە بيزنەس كليماتقا كەرٸ ەسەر ەتپەۋٸ ٷشٸن بارلىق شارالاردى قابىلدايمىز. بٸزدٸڭ ەسەبٸمٸز بويىنشا, سونداي قاتتى كەرٸ ەسەر بولمايدى", – دەپ سەندٸرەدٸ پرەمەر-مينيستر.
بۇعان دەيٸن ولجاس بەكتەنوۆ "ۇلتتىق ۆاليۋتا دەۆالۆاتسيياعا ۇشىرايدى" دەۋگە ەش نەگٸز جوق ەكەنٸن ايتقان بولاتىن.
